Tomahawk Media Player

எங்கள் கணினியில் உள்ள பாடல்களை கேட்க பல மென்பொருள்கள் உதவுகின்றன. வின்டோஸ் இல் Windows Media Player, மக் இல் iTunes என இயல்பிருப்பாகவே மென்பொருகள் இருந்தாலும், Tomahawk அவற்றினை விட சிறப்பனாதும், திறமூல நிரலையுடையதுமான ஒரு மென்பொருள்.

உங்கள் கணினியில் இருக்கின்ற பாடல்களை மட்டுமல்லாது இணைவழி சேவைகளான youtube, soundcloud, spotify, last.fm, grooveshark போன்ற பல்வேறு சேவைகளூடாகவும் பாடல்களை இம்மென்பொருளை பயன்படுத்தி கேட்க இயல்வது மிகுந்த சிறப்பான வசதியாகும். இம்மென்பொருள் அனைத்து இயங்கு தளங்களுக்கும் கிடைக்கின்றது.

தரவிறக்க: http://www.tomahawk-player.org

திருக்கேதீஸ்வரம் – புகைப்படங்களாய்

தேவாரம் பெற்ற சிவஸ்தலங்களுள் இரண்டு இவ்விலங்கையில் உள்ளன. அவைகளில் ஒன்றாகிய திருகோணமலைக்குச் சம்பந்த மூர்த்தி நாயனார் திருப்பதிக மொன்றிருக்கின்றது. மற்றொன்றாகிய திருக்கேதீச்சுரத்துக்குத் திருஞானசம்பந்தமூர்த்தி நாயனார் திருப்பதிகமொன்றுஞ் சுந்தரமூர்த்தி நாயனார் திருப்பதிகமொன்றும் இருக்கின்றன. இத் திருக்கேதீச்சுரம் இவ்வடமாகாணத்தின் கண்ணுள்ள மன்னாருக்கு அதிசமீபத்திலிருக்கின்ற மாதோட்த்தினுள்ளது. இத் திருக்கேதீச்சுரம் அழிந்து காடாகக்கிடக்கின்றதே! புதிது புதிதாக இவ்விலங்கையில் எத்தனையோ கோயில்கள் கட்டப்படுகின்றனவே! நீங்கள் இந்த மகா ஸ்தலத்தைச் சிறிதும் நினையாததென்னையோ! இவ்விலங்கையிலுள்ள விபூதிதாரிகள் எல்லோருஞ் சிறிது சிறிது உபகரிக்கினும் எத்துணைப்பெருந்தொகைப்பொருள் சேர்ந்துவிடும்! இதை நீங்கள் எல்லீருஞ் சிந்தித்து இத் திருப்பணியை நிறைவேற்றுவீர்களாயின், அருட்கடலாகிய சிவபெருமான் உங்களுக்கு அநுக்கிரகஞ் செய்வர். – திருச்சிற்றம்பலம்

என்கின்ற ஆறுமுக நாவலர் பெருமானின் வேண்டுகை சைவ மக்களை எழுச்சிபெறச் செய்து, போர்த்துக்கேயரால் அழிக்கப்பட்ட, இரண்டாயிர்த்து ஐந்நூறு வருடங்களுக்கும் மேலான பழமைவாயந்த திருக்கேதீஸ்வரம் 20ம் நூற்றாண்டின் ஆரம்பத்திலே மீள அமைக்கப்பெற்றது. இவ்வாலயத்தின் தற்போதய புகைப்படங்கள்.

ஜிம்ப் 2.8 வெளியானது

அடொபி நிறுவனத்தின் போட்டோசொப் மென்பொருளுக்கு இணையான வசதிகளை கொண்ட திறமூல Gimp மென்பொருளின் புதிய பதிப்பான 2.8 இன்று வெளியாகி உள்ளது. ஏறத்தாள மூன்று வருடகால மேம்படுத்தல்களின் பின் இது வெளியாகியுள்ளது.

இப்புதிய பதிப்பில் இடம்பெற்றுள்ள குறிப்பிடத்தக்க புதிய வசதிகள்:

1. ஒரு சாளர பயனர் முகப்பு.
இது வரை காலமும் Gimp ஆனது floating window பயனர் இடைமுகப்பை கொண்டிருந்தது. இப்பதிப்பிலிருந்து ஒரு சாளர பயனர் இடை முகப்பாய் இது மாற்றப்பட்டுள்ளது.

2. திரையிலேயே உரைகளை உள்ளிடல்.
இதுவரை காலமும் Gimp இலிருந்த மிகப்பெரிய பிரச்சனை இதுவாகும். நீங்கள் உங்களுக்கு தேவையான உரையை ஒரு சாளரத்தில் தட்டச்சிட அது திரையில் கொண்டு வரப்படும். இப்போது நீங்கள் நேரடியாகவே உங்களுக்கு தேவையான இடத்தில் உரையை தட்டச்சிடவும் வடிவமைத்துக் கொள்ளவும் முடியும்.

3. Layer Grouping
ஒரு வகையான Layer களை குழுக்களாக்கி வைத்து பயன்படுத்த முடிவதும் இப்பதிப்பில் ஒரு புதிய வசதியாகும்.

மேலும் தகவல்களுக்கும் தரவிறக்கவும் : http://gimp.org