இணையம்

இந்த வார இணையம் – பெப் 26

கூகிள் தனியுரிமைக் கொள்கை மாற்றம், நீங்கள் தெரிந்து கொள்ள வேண்டியது என்ன?

கூகிள் நிறுவனம் அண்மையில் தனது தனியுரிமைக் கொள்கையில் மாற்றம் கொண்டு வருவதாய் அறிவித்தது. பலரது வெறுப்பையும் சம்பாதித்திருக்கும் இவ்வறிவிப்பு தொடர்பாய் நீங்கள் அறிந்து கொள்ள வேண்டியது என்ன?

இவ்வளவு காலமும் ஒவ்வொரு கூகிளின் சேவைகளுக்கும் (Blogger, Search, Maps, G+ etc..) தனித்தனியான தனியுரிமைக்கொள்கைகள் இருந்தன. இப்பொழுது அனைத்து தனியுரிமைக்கொள்கைகளும் ஒன்றாக்கப்பட்டுள்ளது. இதன்மூலம் நீங்கள் ஒரு சேவையில் பயன்படுத்தப்படுகின்ற தரவுகள் மற்றையதொரு சேவையினை பயன்படுத்தும்போது கூகிளினால் பயன்படுத்தப்பட்டும். உதாரணமாக, நீங்கள் இரஜனிகாந்தினைப் பற்றி கூகிளின் தேடினால் பின்னர் நீங்கள் Youtube இனை பயன்படுத்தும் போது அது உங்களுக்கு இரஜனிகாந்தை பற்றிய காணொளிகளை முன்னால் காட்டும். இதில் பிரச்சனை என்னவென்றால் நீங்கள் கூகிள் சேவையில் செய்கின்ற ஒவ்வொரு செயற்பாடும், சேமிக்கப்பட்டு உங்களைப்பற்றிய பூரண தகவல் கூகிளிடம் இருக்கும். இதை கூகிள் எவ்வாறு பயன்படுத்தும் என்பதுதான் கேள்விக்குறி.

இது தொடர்பாய் பலரும் எதிர்மறையான கருத்துக்களையே தெரிவித்து வருகின்றனர். ZDNet இன் Larry Dignan, உங்கள் மனைவியை விட கூகிளிற்கு உங்களைப்பற்றிய அதிக விபரம் தெரியவரும் என சொல்கிறார். கீழே சிலருடைய கருத்துக்களை பாருங்கள்.

‘It means that things you could do in relative anonymity today, will be explicitly associated with your name, your face, your phone number.

‘If you use Google’s services, you have to agree to this new privacy policy. It is an explicit reversal of its previous policies.’

Mat Honan, Gizmodo

‘Google will know more about you than your wife does. Everything across your screens will be integrated and tracked.

‘Google noted that it collects information you provide, data from your usage, device information and location. Unique applications are also noted.

‘Sure you can use Google’s dashboard and ad manager to cut things out, but this policy feels Big Brother-ish.’
Larry Dignan, ZDnet.com

‘A user of Gmail, for instance, may send messages about a private meeting with a colleague and may not want the location of that meeting to be thrown into Google’s massive cauldron of data or used for Google’s maps application.’
Cecilia Kang, of The Washington Post

இது தொடர்பான கூகிளின் காணொளி: http://www.youtube.com/watch?v=KGghlPmebCY

VLC 2.0 வெளியானது

எந்த இயங்குதளமாயிருந்தாலென்ன எனக்கு பிடித்த ஒரே Video player VLC மட்டும்தான். நீண்ட காலத்தின் பின் மிகவும் அழகாக்கப்பட்ட இரண்டாவது பதிப்பு “Twoflower” வெளியாகியுள்ளது. முன்னைய பதிப்புகளில் இருந்த எளிமைத்தன்மை இப்பதிப்பில் காணாமல் போயிருந்தாலும் பல புதிய வசதிகள் சேர்க்கப்பட்டுள்ளன. MAC பதிப்பு முற்றிலும் புதிய வடித்தை பெற்றிருக்கின்றது. முன்னைய பதிப்புக்களை விட இப்பதிப்பு அதிக அளவான காணொளி வகைகளை திறக்கக்கூடியது.

தரவிறக்க: http://www.videolan.org

Apache புதிய பதிப்பு வெளியானது

இணைய வழங்கி மென்பொருள்களில் முதலிடம் வகிக்கும் Apache HTTP server இன் புதிய பதிப்பை (2.4) Apache foundation ஆறு வருடங்களின் பின்னர் வெளியிட்டுள்ளது. இதற்கு முன்னர் 2005ம் ஆண்டில் 2.2 பதிப்பு வெளியானது. இம்மென்பொருள் ஏறத்தாள 400 மில்லியன் வழங்கிகளை செயற்படுத்துகின்றது.

Apache foundation : http://www.apache.org/
Apache HTTP Server : http://httpd.apache.org/

இந்த வார இணையம் – பெப் 17

ஜூம்லா பதிப்பு 2.5 வெளியானது

இணையத்தளங்களை உருவாக்க பயன்படுகின்ற திறமூல CMS களில் பிரபலமான ஒன்று ஜூம்லா ஆகும். வேர்ட்பிரஸிற்று அடுத்த படியாக அதிக பாவனையாளர்களை கொண்ட இந்த CMS, Mambo திற மூல நிரலில் இருந்து 2005ம் ஆண்டளவில் உருவாக்கப்பட்டது. 2011ம் ஆரம்பத்தில் ஒவ்வொரு ஆறுமாதத்திற்கும் ஒரு பதிப்பினை வெளியிடுவது என முடிவெடுக்கப்பட்ட பின்னர் வெளியிடப்பட்டுள்ள இரண்டாவது பதிப்பு இதுவாகும்.

பல புதிய வசதிகள் சேர்க்கப்பட்டிருந்தாலும் குறிப்பிடத்தக்க வசதிகளாவன

• பல தரவுத்தளங்களை பயன்படுத்த முடிதல். இப்பதிப்பிற்கு முன்னர் ஜூம்லாவினை தனியே mySql தரவுத்தளத்துடன் மட்டுமே பயன்படுத்த முடியும். இப்பொழுது மேலதிகமாக MsSql இனையும் பயன்படுத்த முடியும்.
• நீட்சிகள் மற்றும் வார்ப்புருக்களின் மேம்படுத்தப்பட்ட பதிப்புக்கள் தொடர்பிலான தன்னியக்க அறிவிப்பு முறை.
• மேம்படுத்தப்பட்ட தேடுபொறி.

மேலதிக வசதிகள் தொடர்பாய் அறிந்து கொள்ள : http://joom.la/25features

நிறங்களை தேர்ந்தெடுக்க மென்பொருள்

இணையத்தளங்களை வடிவமைப்பவர்களுக்கு, வேறெங்காவதிருந்து அடிக்கடி நிறங்களின் குறியீடுகளை பெற்றுக்கொள்ள வேண்டிய தேவை இருக்கும். நீங்கள் ஒரு வின்டோஸ் பாவனையாளர் எனின், உங்களுக்கு மிகவும் பயனளிக்க கூடிய இலவச மென்பொருள் Pixel picker ஆகும். உங்களுக்கு விரும்பிய நிறங்களை இலகுவாய் தேர்ந்தெடுக்கவும், விரும்பிய குறியீட்டு முறையில் அதனை பெற்றுக்கொள்ளவும் இம்மென்பொருள் பெரிதும் உதவும்.

தரவிறக்க : http://plastiliq.com/pixel-picker

CSS sprite களை உருவாக்க GLUE

இணையத்தளங்கள் வடிவமைப்பவர்கள் இணைய உலாவியின் வேண்டுகைகளின் எண்ணிக்கையினை குறைப்பதற்காக CSS Sprites இனை பயனபடுத்துவது வழமை. பல படங்களை ஒன்றிணைத்து ஒரே படமாக பயன்படுத்துவதனையே இவ்வாறு கூறுவார்கள். படங்களை ஒன்றிணைத்து அதற்கான CSS குறிகளை எழுதிக்கொள்ளுவதற்கு உங்களுக்கு அதிக நேரம் எடுக்கின்றது என்றால், அதற்கான தீர்வுதான் இந்த GLUE. இதனை பயன்படுத்துவதன் மூலம் உங்கள் படங்கள் இலகுவாய் ஒன்றிணைக்கப்படுவதோடு உங்களுக்கான CSS கோப்பும் எழுதித் தரப்பட்டு விடும்.

மேலும் தகவல்களுக்கும், தரவிறக்கவும் : http://glue.readthedocs.org/en/latest/index.html

இவ்வார இணையத் தளம்

நீங்கள் வாசிக்கின்றவற்றை மற்றவர்களுடன் ஒழுங்கு படுத்தி வைக்கவும், மற்றவர்களுடன் பகிர்ந்து கொள்ளவும் உதவும் இணையத்தளம் Pinterest.

மேலதிக தகவல்களுக்கு: http://pinterest.com

இந்த வார இணையம் – பெப் 7

Bootstrap 2 இனை வெளியிட்டது ருவிட்டர்

ருவிட்டர் பல திறமூல நிரல்களை வெளியிட்டிருந்தாலும் அவற்றில் முக்கியமானது Bootstrap framework. இலகுவாக இணையத்தளங்களை உருவாக்குவதற்கான HTML, CSS, javascript மற்றும் பயனர் இடைமுகப்பை கொண்டதுதான் இந்த Framework. இதன் மேம்படுத்தப்பட்ட பதிப்பு இரண்டு இப்போது வெளியிடப்பட்டுள்ளது. மேலும் அறிந்து கொள்ளவும் தரவிற்க்கிக் கொள்ளவும் கீழுள்ள தொடுப்பை சொடுக்குங்கள்.

http://twitter.github.com/bootstrap/index.html

Vim ஐபாட் இல்

கணினி மொழிகளை தினமும் பயன்படுத்துபவர்களின் விரும்பி பயன்படுத்தும் Editor, Vim ஆகும். பயன்படுத்துவதற்கு கற்றுக்கொள்ளுவதற்கு சிறிது காலம் எடுத்தாலும் மிகவேகமாக வேலைகள் செய்ய இதனைவிடச் சிறந்த Editor வேறேதும் இல்லை. உருவாக்கப்பட்டு இருபது வருடங்களாகின்ற இந்த மென்பொருள் இப்போது ஐபாட்டிலும் செயல்படக்கூடிய மென்பொருளாய் உருவாக்கப்பட்டுள்ளது.

VIM இணையத்தளம் : http://www.vim.org
VIM for Ipad : http://applidium.com/en/applications/vim/

Firefox பதிப்பு 10 வெளியானது.

பலரும் விரும்புகின்ற Firefox இணைய உலாவியின் மேம்படுத்தப்பட்ட 10வது பதிப்பு இவ்வாரம் வெளியிடப்பட்டுள்ளது. மேலதிக தகவல்களுக்கு கீழுள்ள தொடுப்பை சொடுக்குங்கள்.

http://www.mozilla.org/en-US/firefox/10.0/releasenotes/

போட்டோசொப்பில் Grids

இணையத்தளங்களை போட்டோசொப்பில் வடிவமைக்கத் தொடங்கும்போது முதலில் Grid களை உருவாக்கிக்கொள்ளுவது, நீள அகலங்களை சரியான முறையில் கண்டுகொள்ள உதவும். இதனை இலகுவாக்குவதற்காக உள்ள இலவச நீட்சி GuideGuide.

தரவிறக்க : http://www.guideguide.me

HTML 5 மற்றும் CSS 3 இனை பயன்படுத்த தொடங்கலாமா?

இணையத்தளங்களை வடிவமைக்கும் மொழியாகளாகிய HTML மற்றும் CSS என்பன புதிய பதிப்பினை நோக்கி நகர்ந்து கொண்டிருக்கின்றன. ஏலவே பலரும் அவற்றை பயன்படுத்தவும் தொடங்கி விட்டனர். ஆனால் அனைத்து இணைய உலாவிகிளும் (குறிப்பாக Internet Explorer இன் முந்தைய பதிப்புக்கள்) அவற்றிற்கு ஒத்திசைவானவையாக இல்லை. எனவே இந்த புதிய வசதிகளை பயன்படுத்துவதில் கவனம் தேவை. எவற்றை பயன்படுத்தலாம் எவற்றை இன்னமும் பயன்படுத்த முடியாது என்பவற்றை விளக்கமாக சொல்கின்றது இந்த html5please.us என்கின்ற இணையத்தளம்.