Posts Tagged "ஐபோன்"

Angry Words

சில காலங்களின் முன்னர் எனக்கு பிடித்த ஐபாட் மற்றும் ஐபோன் மென்பொருள்கள் மற்றும் ஐபோன் விளையாட்டுக்களை வரிசைப் படுத்தியிருந்தேன். அதன்பின்பு பல புதிய ஐபோன் மற்றும் ஐபாட் விளையாட்டுக்களை நான் விளையாடியிருந்தாலும், சமீப காலமாக AngryWords அவற்றில் ஒரு முக்கிய இடத்தினை பிடித்திருக்கின்றது. இவ்விளையாட்டினை iOS இல் மட்டுமென்றல்லாது, அன்டொரியிட் மற்றும் வேஸ்புக்கிலும் விளையாடமுடியும்.

எழுத்துக்களை அடுக்கி சொற்களை உருவாக்கும் scrabble விளையாட்டு உங்களுக்கு விருப்பமென்றால் நீங்கள் கட்டாயம் AngryWords இனை விரும்புவீர்கள். ஏறத்தாள zinga இன் Words With Friends விளையாட்டினை இது ஒத்திருந்தாலும், மிக அழகான பயனர் முகப்பு, மற்றும் 12 மொழிகளில் விளையாட முடிதல் இதன் சிறப்பம்சமாகும்.

கீழே நான் இறுதியாய் விளையாடியதன் திரைவெட்டு

தரவிறக்கி விளையாட :
ஐபோன் மற்றும் ஐபாட் – App store
அன்டொரியட் – Google Play Store

எனக்கு பிடித்த ஐபோன் விளையாட்டுக்கள்

சில காலங்களின் முன் எனக்கு பிடித்ததும் பயனுள்ளதுமான ஐபோனில் (iPhone) இயங்குகின்ற சில மென்பொருள்களை இங்கே பட்டியலிட்டிருந்தேன். இப்பொழுது சில விளையாட்டுக்கள். இவற்றுள் இலவசமல்லாத விளையாட்டுக்களில் கட்டாயம் ஒரு Lite பதிப்பு இருக்கும். அதனை தரவிறக்கி விளையாடி பார்த்தபின் உங்களுக்கு விரும்பினால் பூரணமான பதிப்பனை வாங்கிக்கொள்ளலாம்.

1. Highborn
ஒருவர் மாற்றி ஒருவர் விளையாடுகின்ற வகிபங்கு விளையாட்டு இது (turn by turn role-play game). மிகவும் விறுவிறுப்பாக இருக்கக்கூடிய இந்த விளையாட்டின் குறிப்பிடத்தக்க விடயம், எல்லா இடங்களிலும் விரவி நிற்கும் நிச்சயமாக சிரிக்க வைக்கும் நகைச்சுவையான வசனங்கள்.

2. Babylon Twins
இரட்டையர்கள் இருவர் சிறையிலிருந்து தப்புவதுதான் இங்கு கதை. நீங்கள் ஒருவரை இயக்கும்போது மற்றவர் சிலையாகிவிடுவார். இருவரிடமும் வெவ்வேறு விதமான சக்திகள் உண்டு. நிச்சயமாக உங்கள் பணத்திற்கு ஒரு நல்ல விளையாட்டு.

3. UNO
உங்களுக்கு uno விளையாட்டு விருப்பமெனில் இது கட்டாயம் உங்களிடம் இருக்க வேண்டிய ஒன்று. நீங்கள் ஐபோனுடனோ அல்லது இணையமூடாக multi player mode இலும் விளையாட முடியும்.

4. Word with Friends
நீங்கள் Scrabble விளையாட்டில் ஆர்வமுள்ளவரெனின் இவ்விளையாட்டு உங்களுக்கானது. உங்கள் எதிராளியும் ஒரு மனிதராகவே இருக்கவேண்டி இருப்பதால், இதனை விளையாட கட்டாயம் இணைய இணைப்பு வேண்டும். அடிக்கடி தோன்றும் விளம்பரங்களை பற்றி கவலையில்லை எனில் இலவச பதிப்பே போதுமானது.

5. Luxor
நீங்கள் இவ்விளையாட்டை கணினியில் விளையாடியிருக்கக்கூடும். பந்துகளை ஒரே நிறப்பந்தால் அடித்து விழுத்தும் விளையாட்டு.

6. Sailboat PRO
வேகமான அலைகளையும் மோசமான காற்றினையும் எதிர்த்து இந்த பாய்மரப் படகை செலுத்துவதுதான் விளையாட்டு. கடினமான விளையாட்டெனினும் விளையாடத்தொடங்கிவிட்டால் நிறுத்த மனம் இராது.

7. Chess with Friends
Word with Friends போலவே இதனை விளையாடவும் இணைய இணைப்பு வேண்டும். நீங்கள் சதுரங்க விளையாட்டில் ஆர்வம் உள்ளவர் எனின் உங்களுக்கான விளையாட்டு இது.

8. PandaMania
நீங்கள்தான மிகவும் கோபம் கொண்ட பண்டா கரடி. உங்கள் எதிரிகள் கோட்டைகளை கைப்பற்றி விடாமல் அம்புகளால் போராடி வெல்ல வேண்டும்.

9. Monster Nitro
கரடு முரடான பாதையில் உங்கள் வாகனத்தை செலுத்தி போட்டியை வெல்லும் விளையாட்டு.

10. Aqua Moto
முன்னையதை போலவே கடலில் உங்கள் விசைப்படகுடன் போட்டியில் கலந்து கொண்டு வெல்லும் விளையாட்டு.

நாங்கள் மறந்த தமிழும் iOS 5 உம்

ஏறத்தாள ஒரு வருட காலமாக உருவாக்கப்பட்டு வந்த அப்பிள் நிறுவனத்தின் கைப்பேசி இயங்குதளத்தின் ஐந்தாவது பதிப்பு சில நாட்களின் முன்னர் வௌியிடப்பட்டது. மேம்படுத்தி சில நாட்களே பயன்படுத்தி வந்தாலும், என்னை கவர்ந்த சில வசதிகளை இங்கே வரிசைப்படுத்தி உள்ளேன்.

1. தமிழ் இன்னும் அதிகமாய்
தமிழ் விசைப்பலகையோ அல்லது பயனர் முகப்போ பூரணமாக இன்னமும் iOS இல் இன்னமும் இல்லையாயினும், Regional settings இல் இலங்கை அல்லது இந்திய தமிழை தேர்ந்தெடுத்தால் இலக்கங்கள் மற்றும் திகதிகள் அனைத்தும் தமிழிற்கு மாறிவிடும். சாதாரணமாக அல்ல, நாங்கள் பொதுவாய் மறந்து போன தமிழ் இலக்கங்களுக்கு மாறிவிடும். (நீங்கள் அப்பிள் கணினி பாவனையாளர் எனின், இங்கே இருக்கும் எனது விசைப்பலகையை தரவிறிக்கி கொண்டால் உங்களால் தமிழ் இலக்கங்களை இலகுவாய் தட்டச்சிட முடியம்.)

2. கம்பியில்லா sync மற்றும், sync செய்யப்படும்போதே பயன்படுத்த முடிதல்.

3. iMessage
iOS5 நிறுவப்பட்டுள்ள iPhone, iPod மற்றும் iPad இடையே இலவசமாக குறுஞ்செய்திகள் அனுப்ப முடிதல்.

4. News stand
உங்கள் சஞ்சிகைகள் அனைத்தும் ஒரே இடத்தில் இலகுவாய் வாங்கவும் வாசிக்கவும் முடிதல்.

5. iCloud
5GB இலவச இடவசதி மற்றும் உங்கள் தகவல்கள் அனைத்தையும் Backup செய்துகொள்ள முடிதல்.

6. Notification
முன்னைய பதிப்புக்களை போலல்லாது எப்போதும் சென்று பார்த்துக்கொள்ளக்கூடியதான ஒரு பொதுவான Notification இடம்.