Posts Tagged "CSS"

Boks இனை பயன்படுத்தி அழகிய இணையத்தளம் – பகுதி 2 (காணொளி)

Boks என்பது AIR runtime இல் அமைந்த Blueprint css framework இனை எமக்கேற்ற வாறான ஒரு layout இனை உருவாக்கக்கூடியதாக எழுதித்தரும் ஒரு மென்பொருளாகும். இதனைப்பயன்படுத்தி ஒரு இணையத்தளம் ஒன்றை உருவாக்குவது பற்றி ஒரு ஆரம்பப்பதிவை இங்கே எழுதியிருந்தேன். இப்பொழுது அதன் இரண்டாம் பாகத்தை இங்கே ஒரு காணொளியாக உருவாக்கி இணைத்திருக்கின்றேன் பாருங்கள். ஒலி அவ்வளவு தெளிவாக இல்லாவிடினும் விளங்கக்கூடியதாக இருக்கும் என்று நினைக்கின்றேன்.

(இதை பார்வையிட உங்கள் கணினியில் quicktime நிறுவப்பட்டிருக்க வேண்டும்.)

ஏதேனும் கேள்விகள் இருப்பின் பின்னூட்டத்தில் கேளுங்கள். பதிவிற்கு தொடர்பில்லாத கேள்வியெனின் இங்கே வந்து கேளுங்கள்.

Create a basic website using Boks – Tamil from OORODI on Vimeo.

Boks – Visual gird editor

நேற்றைய எனது பதிவில் இணையத்தள அடிப்படை அமைப்பை இலகுவாக உருவாக்குவதற்கு பயன்படும் CSS Grid framework குகள் பற்றி சொல்லியிருந்தேன். அவற்றில் ஒவ்வொன்றிலும் ஒரு சிறப்பம்சம் இருந்தாலும் நான் பயன்படுத்துவது blueprint grid framework. இதற்கு முக்கியமான ஒரு காரணம் Boks எனும் மென்பொருள்தான்.

இந்த மென்பொருள் AIR மென்பொருள் ஆக இருப்பதனால் அனைத்து இயங்குதளத்திலும் இயங்கும். இந்த மென்பொருளினை பயன்படுத்தி நீங்கள் இலகுவாக உங்கள் layout களை வரைந்து கொள்ள முடியும். முடிவில் இம்மென்பொருள் உங்களுக்கு அதற்கான CSS கோப்பையும் HTML கோப்பினையும் தந்துவிடும். பிறகென்ன அங்கிருந்து உங்கள் அழகுபடுத்தும் வேலையை ஆரம்பிக்க வேண்டியதுதான்.

இங்கு சென்று தரவிறக்கிக்கொள்ளுங்கள்.

ஆறு CSS Grid framework குகள்

ஒரு சாதாரணமான இணையத்தளத்தை வடிவமைப்பதாயினும் சரி சிக்கலான சஞ்சிகை போன்ற வடிவமைப்பை கொண்ட இணையத்தளம் ஒன்றை வடிவமைப்பதாக இருந்தாலும் சரி அதன் இனை இலகுவாக அனைத்து உலாவிகளிலும் சரியாக வேலைசெய்யக்கூடியதானதாக உருவாக்கிக்கொள்ள CSS Grid framework குகள் பயன்படுகின்றன.

நீண்ட காலமாகவே பக்க வடிவமைப்புகளை செய்ய அச்சகங்களில் Grid பயன்படுகின்றது. இணைய வடிவமைப்பில் Grid இனை பயன்படுத்துவதும் ஒன்றும் புதிதல்ல. ஆனால் இந்த Grid framework கள் layout ஒன்றினை உருவாக்கும் நேரத்தினை சில நிமிட வேலைகளாக குறைத்துவிடுகின்றது.

இவற்றை பயன்படுத்துவதனால் ஏற்படும் குறிப்பிடத்தக்க பயன்கள்.

• ஒன்றிற்குள் ஒன்றாக அடுக்கப்பட்ட ரேபிள்களை பயன்படுத்த தேவையில்லை.
• மிகவும் சிக்கலனா வடிவமைப்புகளை இலகுவாக செய்துகொள்ளலாம்.
• எல்லா உலாவிகளிலும் சரியாக வேலைசெய்யும்.
• உங்கள் நேரத்தை வெகுவாக குறைக்கும்.
• CSS எழுதும்போது ஏற்படும் பிழைகளை குறைக்கும்.

கீழே பிரபலமான சிலவற்றை தந்திருக்கின்றேன். உங்கள் வடிவமைப்பு வேலைகளுக்கு பயன்படுத்த தொடங்குங்கள். (நான் பயன்படுத்துவது blueprint)

960

blueprint

Elastic CSS

YAML

YUI

1KB CSS Grid