உதவிக்குறிப்புகள்

வேறென்ன உதவிக் குறிப்புகள் தான்..

இந்த வார இணையம் – 1

பொதுவாக கணினி சார்ந்த வேலைகளில் இருப்பவர்களின் பெரும்பகுதி நேரம் அவர்களது வேலை மற்றும் பல விடயங்கள் தொடர்பாக வாசிப்பது மற்றும் கற்றுக்கொள்ளுவது போன்றனவற்றில் கழியும். அவ்வகையில் ஒவ்வொரு வாரமும் நான் வாசித்தவதைகளில் எனக்கு பிடித்தவை மற்றும் மற்றவர்களுடன் பகிர வேண்டும் என்று எண்ணுகின்றவைகளை தொகுத்து ஒரு பதிவாயிட எண்ணியுள்ளோன். அவ்வகையில் இவ்வாரம்..

SOPA மற்றும் இணைத்தள பகிஸ்கரிப்பு

அமெரிக்க அரசாங்கத்தின் SOPA சட்டமூலம் நன்மையை விட தீமையே செய்யும் எனபதனால் பலரும் அதனைக்கைவிடுமாறு எதிர்த்து வந்தனர். அதன் ஒரு படியாக பல இணையத்தளங்கள் 18ம் திகதியன்று 24 மணத்தியாலங்களுக்கு தங்களை நிறுத்தி பகிஸ்கரிப்பொன்றை மேற்கொண்டன.

விக்கிபீடியா மற்றும் வேர்ட்பிரஸ் இணையத்தள திரைவெட்டுகள்

வேர்ட்பிரஸ் இணையத்தளம்

விக்கிபீடியா இணையத்தளம்

பல அமெரிக்கர்கள் இந்த விடயத்தில் எவ்வளவு விளக்கமின்றி இருக்கின்றார்கள் என்று காட்டுவதற்கு @grush என்பார் @herpderpedia என்கின்ற பெயரில் ருவிற்றர் கணக்கொன்றை உருவாக்கி அதன்மூலம் பலருடைய ருவீற்றுகளை மீள பதித்திருந்தார். அவற்றில் சில கீழே


iOs இற்கு Orkut மென்பொருள்

சமூக இணையத்தளங்களில் Facebook மற்றும் Twitter என்பன ஆக்கிரமித்திருந்தாலும், கூகிளின் சமூக வலைத்தளங்களில் ஒன்றான Orkut இன்னமும் 60 மில்லியனுக்கு மேற்பட்ட செயற்படு பயனாளர்களை கொண்டுள்ளது. விரைவில் Google+ உடன் Orkut இனை கூகிள் இணைத்துவிடும் எனப் பலர் கருதினாலும், கூகிள் இப்பொழுது Orkut இற்கு என்று சிறப்பாக வடிவமைக்கப்பட்ட ஒரு App இனை iOS இயங்குதளங்களுக்கு வெளியிட்டுள்ளது.

நீங்களும் ஒரு Orkut மற்றும் ஐபோன் பாவனையாளர் எனின் இங்கே சொடுக்கி தரவிறக்கி கொள்ளுங்கள்.


புதிய வடிவமைப்பை பெறுகின்றது PHP இணையத்தளம்


மிக நீண்டகாலமாக ஒரே வடிவத்தில் இருந்து வந்த PHP இணையத்தளம் ஒரு புதிய வடிவமைப்பை பெறுகின்றது. வடிவமைப்பு பூரணமடைவதற்கு சிலகாலங்கள் இருந்தாலும், இப்போதே பார்ப்பதற்கு கீழுள்ள தொடுப்பைச் சொடுக்குங்கள். (பழைய வடிவமைப்பு எனக்கு மட்டும்தான் பிடித்திருந்தது போல..)

http://prototype.php.net/


Git இனை இலகுவாய் கற்றுக்கொள்ளுங்கள்


Git என்றால் என்ன வென்று தெரிந்த பலருக்கும் கூட அதனைப் பயன்படுத்துவது கடினம் என நினைத்து பயன்படுத்துவதை தவிர்த்து விடுவார்கள். அதனை இலகுபடுத்த உள்ளதே இந்த Git – the simple guide என்கின்ற கையேடு.

Git என்றால் என்னவென்று அறிய
Git – the simple guide

GitHub ஆனது திறமூல மென்பொருள்களுக்கு Git வழங்கியை வழங்கும் ஒரு பிரபல இணையத்தளமாகும்.


jQuery Transit ஒரு புதிய jQuery நீட்சி

jQuery animation இனை பயன்படுத்துபவரகள் “animate” என்கின்ற syntax இனை அறிந்திருப்பீர்கள். அதே syntax இனை “transition” என மாற்றுவதன் மூலம் அழகான animation களை உங்கள் இணையத்தளத்தில் உருவாக்க உதவுவதே இந்த நீட்சி.

உதாரணமாக

$('.logo').animate({ x: '90px' });

என்பதனை

$('.logo').transition({ x: '90px' });

என மாற்றிக்கொண்டால் சரி.

jQuery transit இணையத்தளம் : http://ricostacruz.com/jquery.transit/


The Goldilocks Approach

நீங்கள் ஒரு Responsive இணையத்தளத்தை உருவாக்க விரும்பினால், இதோ அதனை இலகுபடுத்த உங்களுக்கான ஆரம்பக்கோப்புகள்.

தரவிறக்க : http://goldilocksapproach.com


இவ்வார நகைச்சுவை

20 தை, 2012

cufon மற்றும் font-face

இணையத்தளங்களை வடிவமைக்கும்போது அல்லது எங்களது சொந்த வலைப்பதிவுகளிலேயே வழமையான எழுத்துருக்கள் அல்லாது வேறு எழுத்துருக்களை பயன்படுத்த நாங்கள் விரும்புவதுண்டு. ஆனால் அனேக நேரங்களில் அது அனைவருக்கும் சரியாக வேலைசெய்யாது. அவ்வவ் எழுத்துருவை வைத்திருப்பவர்களுக்கு மட்டுமே அவ்வெழுத்துருக்கள் தெரியும். (முன்பு பாமினி எழுத்துருவில் இணையத்தளம் வைத்திருப்பவர்கள் எழுத்துருவையும் தரவிறக்க வழங்குவது இதற்காகவே.)

இந்த பிரச்சனையை பல விதங்களில் தீர்க்க முடிந்தாலும் பிரபலமான இரண்டு முறைகளை பற்றி இங்கே குறிப்பிடுகின்றேன்.

1. Font-face

இது CSS பதிப்பு 2 இல் பிரேரிக்கப்பட்டு CSS 3 இல் இப்பொழுது பாவனைக்கு வந்திருக்கின்றது. இருந்தாலும் இது Internet Explorer இல் பதிப்பு ஐந்திலேயே வேலை செய்யும் (அட!!). எனவே ஒரு எழுத்துருவை பயன்படுத்த அதனை கீழ்வருமாறு எங்கள் CSS கோப்பில் சேர்த்துக்கொண்டால் போதும்.

@font-face {
	font-family: Baamini;
	src: url('Baamini.otf');
}

ஆனால் பிரச்சனை என்னவென்றால் அனைத்து இணைய உலாவிகளும் இந்த கோப்பு வகையை ஏற்றுக்கொள்ளாது. ஒவ்வொரு இணைய உலாவியும் ஒவ்வொருவகையையே ஏற்றுக்கொள்ளும்.

1. Internet Explorer இல் EOT கோப்பு மட்டும் வேலை செய்யும்.
2. Mozilla Firefox இல் OTF மற்றும் TTF வேலை செய்யும்.
3. Safari மற்றும் Opera வில் OTF, TTF மற்றும் SVG வேலை செய்யும்
4. Google Chrome இல் TTF மற்றும் SVG வேலை செய்யும்.
5. WOFF அனேக பிந்திய பதிப்பு இணைய உலாவிகளில் வேலை செய்யும்.

இதனால் எல்லா உலாவிகளிலும் வேலைசெய்ய எங்கள் CSS கோப்பு பின்வருமாறு அமைய வேண்டும்.

@font-face {
    font-family: 'Baamini';
    src: url('baamini.eot');
    src: url('baamini.eot?#iefix') format('embedded-opentype'),
         url('baamini.woff') format('woff'),
         url('baamini.ttf') format('truetype'),
         url('baamini.svg#ZombieA') format('svg');
}

பின்னர் நீங்கள் இதனை பயன்படுத்த வழமை போல

font-family: Baamni;

என அழைத்துக்கொண்டால் போதுமானது.

இலகுவாக உங்கள் எழுத்துருவை இவ்வாறான எல்லா வடிவங்களுக்கும் இலவசமாக மாற்றிக்கொள்ள FONT Squirrel இன் @fontface generator பயன்படும்.

2. Cufon
Cufon ஆனது ஜாவாஸ்கிரிப்ட் இனை பயன்படுத்தி உங்களுக்கு விரும்பிய எழுத்துருவை பயன்படுத்த உதவும் ஒரு javascript library ஆகும். நீங்கள் இங்கே செல்வதன் மூலம் உங்கள் எழுத்துருவை ஒரு javascript கோப்பாக மாற்றிக்கொள்ள முடியும். பின்னர் உங்கள் இணையத்தளத்தில் நீங்கள் அக்கோப்பையும் cufon இனையும் கீழ்வருமாறு இணைத்துக்கொள்ள வேண்டும்.

<script src="cufon-yui.js" type="text/javascript"></script>
<script src="YourFont.font.js" type="text/javascript"></script>

இப்பொழுது உங்கள் எழுத்துருவை உங்கள் இணையத்தளத்தோடு இணைத்தாகிவிட்டது. அவ்வெழுத்துருவை பயன்படுத்த கீழ்வருமாறு ஜாவாஸ்கிரிப்டை இணைத்துக்கொள்ள வேண்டும்.

<script type="text/javascript">
Cufon.replace('h1'); 
Cufon.replace('h2');
</script>

Cufon இனை பயன்படுத்துவது தொடர்பில் மேலும் அறிய இங்கே வாருங்கள்.

குறிப்பு:-
எந்தவிதமான பிரச்சனையும் இன்றி அனைத்து உலாவிகளிலும் வேலைசெய்யக்கூடிய எழுத்துருக்களை கீழே தந்திருக்கின்றேன். இணையத்தளம் வடிவமைப்பவர்களுக்கு பயனுள்ளதாயிருக்கும்.

font-family: Arial, Helvetica, sans-serif;
font-family: 'Arial Black', Gadget, sans-serif;
font-family: 'Bookman Old Style', serif;
font-family: 'Comic Sans MS', cursive;
font-family: Courier, monospace;
font-family: 'Courier New', Courier, monospace;
font-family: Garamond, serif;
font-family: Georgia, serif;
font-family: Impact, Charcoal, sans-serif;
font-family: 'Lucida Console', Monaco, monospace;
font-family: 'Lucida Sans Unicode', 'Lucida Grande', sans-serif;
font-family: 'MS Sans Serif', Geneva, sans-serif;
font-family: 'MS Serif', 'New York', sans-serif;
font-family: 'Palatino Linotype', 'Book Antiqua', Palatino, serif;
font-family: Symbol, sans-serif;
font-family: Tahoma, Geneva, sans-serif;
font-family: 'Times New Roman', Times, serif;
font-family: 'Trebuchet MS', Helvetica, sans-serif;
font-family: Verdana, Geneva, sans-serif;
font-family: Webdings, sans-serif;
font-family: Wingdings, 'Zapf Dingbats', sans-serif;
28 ஐப்பசி, 2011

Custom Post types என்றால் என்ன?

ask.oorodi.com ஊடாக சில நாட்களின் முன் வேர்ட்பிரஸினை ஒரு Content Management System ஆக பயன்படுத்துவது எவ்வாறு என்பது தொடர்பான கேள்வி ஒன்று கேட்கப்பட்டிருந்தது. அதற்கு நான் Custom Post type இனை பயன்படுத்தலாம் என பதிலளித்திருந்தேன். சிறிது விளக்கமாக இங்கே…

வேர்ட்பிரஸ் ஆனது பதிப்பு 3 இன் பின்னர் ஒரு பதிவு மென்பொருள் (blogging script) என்பதனைத்தாண்டி ஒரு சிறந்த Content Management System ஆக உருவெடுத்துள்ளது. இருந்தாலும் Joomla மற்றும் Drupal போன்றவற்றோடு ஒப்பிடுகையில் இது இன்னமும் குழந்தைதான். பதிப்பு மூன்றிலே அறிமுகப்படுத்தப்பட்ட ஒரு புதிய வசதிதான் Custom Post types. இது ஏறத்தாள Drupal இல் இருக்கும் Modules போன்றது.

இவ்வசதியினை பயன்படுத்துவதன் மூலம் நாங்கள் எங்களுக்கு விரும்பியவாறான ஒரு பதிவு வகையினை (post type) வேர்ட்பிரஸில் உருவாக்கிக்கொள்ள முடியும். வேர்ட்பிரஸ் சாதாரணமாக Posts, Pages, Attachements, Revisions மற்றும் Menu போன்ற சில பதிவு வகைகளை கொண்டிருக்கும். இவற்றை நீங்கள் உங்கள் வேர்ட்பிரஸ் நிறுவலில் சாதாரணமாக கண்டுகொள்ள முடியும். இப்பொழுது நீங்கள் வேர்ட்பிரஸினை பயன்படுத்தி ஒரு விபரக்கொத்தொன்றை உருவாக்க திட்டமிட்டால் உங்களால் அப்பெயரில் ஒரு Post type இனை உருவாக்கி கொள்ள முடியும்.

அதன்மூலம் நீங்கள் ஒரு வியாபார நிறுவனத்தின் விபரங்களை பதிவுசெய்கின்றீர்கள் என கொண்டால், அவ்விபரங்களை Post என்பதூடாக பதியாது Directory என்பதனை பயன்படுத்தி பதிந்து கொள்ளலாம். இதிலுள்ள வசதி என்னவெனில் நீங்கள் அந்த Directoryக்கு தேவையானவாறு உள்ளீடு பெட்டிகளை (input fields) உருவாக்கிக்கொள்ள முடிவதுதான். கீழே சாதாரணமான ஒரு Post இற்கும் Directory க்கும் இருக்கின்ற வித்தியாசத்தை பாருங்கள்.


இந்த Custom Post type இனை உருவாக்க நாங்கள் எங்களது function.php கோப்பில் சில வரிகளை எழுதிக்கொள்ளுதல் வேண்டும். அத்தோடு இவற்றின் மூலம் சேமிக்கப்படும் தரவுகளை தளத்தில் வௌிக்காட்டவும் எங்கள் வார்ப்புருவில் தேவையான மாற்றங்களை செய்துகொள்ள வேண்டும். அவற்றை எவ்வாறு நாங்களாகவே செய்யலாம் என்று பிறிதொரு பதிவில் பார்ப்போம். இப்போது அதற்கு உதவக்கூடிய இரண்டு கருவிகளை பார்ப்போம்.

1. WordPress Custom Post Type Code Generator
இக்கருவியை பயன்படுத்துவதன்மூலம் நாங்கள் எழுதிக்கொள்ள வேண்டும் என்று சொன்ன Coding இனை உருவாக்கிக்கொள்ளலாம். இருந்தாலும் நீங்கள் வார்ப்புருவில் செய்யவேண்டிய மாற்றங்களை நீங்களாகத்தான் செய்துகொள்ள வேண்டும்.

2. Custom Post Type UI – plugin
இவ்விலவச செருகியை உங்கள் தளத்தில் நிறுவிக்கொண்டாலும் நீங்கள் அதனைப்பயன்படுத்தி இலகுவாக Custom Post type களை உருவாக்கிக்கொள்ளலாம். இங்கும் வார்ப்புருவில் நீங்களாகத்தான் மாற்றங்களை செய்துகொள்ள வேண்டும்.


இந்த Custom Post type வேர்ட்பிரஸில் ஒரு சிறப்பான வசதியாக இருந்தாலும் இதில் பல குறைபாடுகள் உண்டு. ஒரு சாதாரண பயனாளருக்கு ஒரு சாதாரண சிறிய தேவைகளுக்கு இவையேதும் கண்ணிற்கு தெரியாவிட்டாலும், இவற்றில் மேம்படுவதற்கான இடங்கள் நிறையவே உள்ளன. இதனால் இதனை கைவிட்டு வேறு முறைகளை கையாள்பவர்களும் உண்டு. அம்முறைகளில் சிறப்பானது Podscms plugin. இச்செருகி மிகவும் வித்தியாசமான முறையில் Custom Post type இற்கு சமமான பதிவு வகைகளை உருவாக்கி தரவல்லது. இங்கும் நீங்கள் தரவுகளை வௌிக்காட்ட வார்ப்புருக்களில் மாற்றங்கள் செய்ய வேண்டியிருக்கும்.

மேலதிக தகவல்களுக்கு பின்வரும் முகவரிகளை பாருங்கள்:
1. http://codex.wordpress.org/Post_Types
2. http://podscms.org/codex/
3. http://justintadlock.com/archives/2010/04/29/custom-post-types-in-wordpress

6 ஆவணி, 2011