இணையம்

Is உளறல் a twitter killer?

நம்ம ரவி அண்ணையின்ர உளறலைத்தான் சொல்லுறன். கன பேர் பார்த்திருக்ககூடும். என்னுடைய பங்குக்கு பதிவாவே போட்டிருக்கு.

ரவிசங்கர் வேர்ட்பிரஸையும் புறொலொக் அடைப்பலகையையும் பயன்படுத்து ருவிட்டர் மாதிரி ஒரு இணையத்தை தொடங்கி இருக்கிறார். நான் போய் சேந்ததோட சரி பெரிசா ஒண்டும் உளறேல்ல. (நம்ம ஊரில இருக்கிற இணைய வசதி அப்படி)

இந்த பதிவு ஏனெண்டா எனக்கு தெரிஞ்சவரையில இனி என்ன செய்யலாம் எண்டுறதுதான்.

Logo – புறொலொக் அடைப்பலகையை அப்படியே பாவிக்காமல் கொஞ்சம் நிறமாக்கி ஒரு logo வும் போட்டா நல்லா இருக்கும்.

வேர்ட்பிரஸ் – ஏன் வேர்ட்பிரஸ்? வேற கனக்க Micro blogging platform கள் இருக்கு. அதுகளையும் ஒருக்கா எடுத்து பாக்கலாம்.

IM இணைப்பு – ருவிட்டர் மாதிரி IM இல மேம்படுத்தல்களை பெறுகிற ஒரு வசதி சேத்தா நல்லா இருக்கும். முடிஞ்சா கைப்பேசிக்கும்.

மென்பொருள் – சுகமா உளறுறதுக்கு, உளறினதுகளை பாக்க எண்டு ஒரு மென்பொருளை உருவாக்கி (AIR, Java) விட்டா இணையத்தளத்துக்கு போகாமலே உளறலாம். குறைஞ்சது ஒரு Firefox addon.

இன்னும் கைவசம் நிறைய ஐடியாக்கள் இருக்குது. இதுகளை முடிச்சாப்பிறகு சொல்லுறன்..

Cuil புதிய தேடுபொறி – கூகிளுக்கு போட்டியா??

இணையத்தில் தேட பல தேடுபொறிகள் இருந்தாலும் (Yahoo, Live) பலரது தெரிவாகவும் இருப்பது கூகிள் தேடுபொறிதான். இப்பொழுது அதற்கு போட்டியாக cuil எனும் தேடுபொறி வெளிவந்திருக்கின்றது.

ஏறத்தாள கூகிளை விட 120 பில்லியன் இணையப்பக்கங்களில் அதிகமாக அதாவது 1.12 டிரில்லியன் பக்கங்களில் தேடலை மேற்கொள்ளுவதாக இந்த தேடுபொறி அறிவித்துள்ளது. (கூகிள் 1 டிரில்லியன் பக்கங்களில் தேடுதலை செய்வதாக சில நாட்களின் முன் அறிவித்திருந்தது.)

இந்த தேடுபொறியினை மற்றைய, “தினமும் தோன்றும்” தேடுபொறிகள் போல எண்ணிவிட முடியாத அளவிற்கு இரண்டு பிரதான காரணங்கள் இருக்கின்றன.

• ஒன்று இந்த தேடுபொறியினை உருவாக்கி இருப்பவர்கள் முன்னைநாள் கூகிள் பணியாளர்கள்
• இரண்டு இவர்கள் இதில் ஏற்கனவே 33 மில்லியன் அமெரிக்க டொலர்களை முதலிட்டிருக்கிறார்கள்.

ஆனால் இது இன்னமும் பீற்றா வடிவில் தான் இருக்கிறது. தேடும் சொல்லிற்கேற்ப related category இனை காட்டுவது இதன் சிறப்பம்சங்களில் ஒன்று.

இத்தேடுபொறியும் கூகிளை போலவே மிக வேகமாக தேடுவதாக எனக்கு படுகிறது. ஆனா தமிழில தேடினா ஒரு பதிலும் இல்லை.

Google Knol அனைவருக்கும் – விக்கிபீடியாவிற்கு போட்டியா?

கடந்த மார்கழி மாதம் அல்பா பதிப்பாக கூகிள் நிறுவனத்தினால் அறிமுகப்படுத்தப்பட்ட knol சேவை இப்பொழுது அனைத்து பயனாளருக்குமாக திறந்து விடப்பட்டுள்ளது. இது விக்கிப்பீடியாவிற்கு போட்டியாக உருவாக்கப்ட்டுள்ளதாக பலர் கருத்துக் கூறி வந்தாலும் கூகிள் தொடர்ச்சியாக அதனை மறுத்து வந்திருக்கிறது. இருந்த போதும் இது ஒரு வகையில் விக்கிப்பீடியாவை ஒத்த ஒரு சேவைதான்.

இவை இரண்டும் ஒரே மாதிரியான சேவையாக தோற்றமளித்தாலும் உண்மையில் இரண்டினதும் பார்வைத்தன்மை அடிப்படையில் வேறுபடுகின்றது. விக்கிப்பீடியா உள்ளடக்கத்தில் கவனம் செலுத்தும் அதே நேரம் knol authorship இல் கவனம் செலுத்துகின்றது.

இன்னொரு முக்கியமான விடயம் விக்கிப்பீடியாவை போலல்லாது எங்களால் நாங்கள் உருவாக்கும் கட்டுரைகளின் காப்புரிமையை இங்கு மாற்றி அமைக்க முடியும்.

சரி இங்க வந்து ஒருக்கா சுத்தி பாருங்க.