வேர்ட்பிரஸ் தமிழ் மொழியில்

வேர்ட்பிரஸ் ஆனது இலவசமான திறமூல நிரலையுடைய, இணையத்தளங்களை இலகுவாக உருவாக்கிக்கொள்ள உதவும் ஒரு மென்பொருளாகும். வலைப்பதிவு எழுதுபவர்கள் தங்களது சொந்த தளத்தில் வலைப்பதிவை வைத்திருக்க விரும்பின் அதற்கான சிறப்பான மென்பொருள் இது மட்டும்தான். (ஊரோடி வலைப்பதிவும் வேர்ட்பிரஸினையே பயன்படுத்துகின்றது.)

கடந்த தை மாதத்தில் வேர்ட்பிரஸினை தமிழ்ப்படுத்துவது என்ற முயற்சியை ஆரம்பித்து சிறிது சிறிதாக மொழிமாற்றம் செய்து வந்தேன். இடைக்கிடையே வேர்ட்பிரஸில் ஆர்வம் உள்ள பலரும் பங்களித்து வந்தார்கள்.

ஏறத்தாள ஒரு வருடமாகிய நிலையில் இப்போது வேர்ட்பிரஸின் 3.3 தமிழப்பதிப்போடு சேர்ந்து வெளிவந்துள்ளது. நீங்களும் தமிழ்ப்பதிப்பை தரவிறக்கி நிறுவிக்கொள்ள http://ta-lk.wordpress.org க்கு வாருங்கள்.

நீங்களும் உங்கள் ஓய்வு நேரத்தில் மொழிமாற்றத்தில் பங்களிக்க விரும்பின் இங்கே வாருங்கள்.

Ruby கற்றுக்கொள்ளலாம் வாங்க

சில நாட்களின் முன்னர் இலகுவாக ஜாவாஸ்கிரிப்ட்டினை இன்ரரக்ரிவாக கற்றுக்கொள்ள உதவும் codecademy பற்றி ஒரு சிறிய பதிவிட்டிருந்தேன்.

அதேபோல Ruby மொழியினை கற்றுக்கொள்ள உதவும் ஒரு இடம்தான் RubyMonk.com. மிகவும் பிரபலமான கணினி மொழிகளில் ஒன்றான Ruby கற்றுக்கொள்ளுவதற்கு இலகுவானது. அதனை இன்னமும் இலகுவாக்குகின்றது இவ்விணையத்தளம். இது இப்போது அல்பா பதிப்பில் இருந்தாலும், ஏலவே 37 பயிற்சிகள் இணைக்கப்பட்டுவிட்டன.

Ruby மொழியை கற்றுக்கொள்ள நினைக்கின்றவர்கள் கட்டாயம் இவ்விணையத்தளத்தை பாருங்கள்.

இலகுவாக Mockupகளை வரைதல்

நேற்றைய எனது mockup வரைந்து பணத்தினை வெல்லும் போட்டி பற்றிய விபரத்தில் உங்களை ஒரு mockup வரைந்து அனுப்புமாறு கேட்டிருந்தேன்.

இப்பதிவில் அவ்வாறு இலகுவாக Mockup களை வரைந்து கொள்ள உதவும் மென்பொருள்கள், சேவைகளை பார்ப்போம்.

1. PENCIL PROJECT
இலகுவாக மொக்அப் களை வரைந்துகொள்ள உதவும் ஒரு firefox addone இதுவாகும். உங்கள் firefox உலாவியில் நிறுவிக்கொண்டு உடனேயே வரைய ஆரம்பிக்கலாம்.

2. Mockflow
இங்கு ஒரு கணக்கினை உருவாக்கிக்கொண்டு இணையத்தளதிலேயே வரைந்து கொள்ளலாம். விரும்பினால் desktop application இனை நிறுவிக்கொண்டு அதனையும் பயன்படுத்தலாம். இலவச கணக்கு போதுமானது.

3. Mocking Bird
இங்கும் ஒரு கணக்கொன்றினை உருவாக்கிக்கொண்டீர்களானால், இணையத்தளத்திலேயே வரைந்து கொள்ள முடியும். இலவச கணக்கு உண்டு.

இவற்றைவிடவும் நாங்கள் சாதாரணமாக பயன்படுத்தும் போட்டோசொப்பையோ அல்லது பவர்பொயின்றையோகூட பயன்படுத்த முடியும்.