மென்பொருள்

நாங்கள் மறந்த தமிழும் iOS 5 உம்

ஏறத்தாள ஒரு வருட காலமாக உருவாக்கப்பட்டு வந்த அப்பிள் நிறுவனத்தின் கைப்பேசி இயங்குதளத்தின் ஐந்தாவது பதிப்பு சில நாட்களின் முன்னர் வௌியிடப்பட்டது. மேம்படுத்தி சில நாட்களே பயன்படுத்தி வந்தாலும், என்னை கவர்ந்த சில வசதிகளை இங்கே வரிசைப்படுத்தி உள்ளேன்.

1. தமிழ் இன்னும் அதிகமாய்
தமிழ் விசைப்பலகையோ அல்லது பயனர் முகப்போ பூரணமாக இன்னமும் iOS இல் இன்னமும் இல்லையாயினும், Regional settings இல் இலங்கை அல்லது இந்திய தமிழை தேர்ந்தெடுத்தால் இலக்கங்கள் மற்றும் திகதிகள் அனைத்தும் தமிழிற்கு மாறிவிடும். சாதாரணமாக அல்ல, நாங்கள் பொதுவாய் மறந்து போன தமிழ் இலக்கங்களுக்கு மாறிவிடும். (நீங்கள் அப்பிள் கணினி பாவனையாளர் எனின், இங்கே இருக்கும் எனது விசைப்பலகையை தரவிறிக்கி கொண்டால் உங்களால் தமிழ் இலக்கங்களை இலகுவாய் தட்டச்சிட முடியம்.)

2. கம்பியில்லா sync மற்றும், sync செய்யப்படும்போதே பயன்படுத்த முடிதல்.

3. iMessage
iOS5 நிறுவப்பட்டுள்ள iPhone, iPod மற்றும் iPad இடையே இலவசமாக குறுஞ்செய்திகள் அனுப்ப முடிதல்.

4. News stand
உங்கள் சஞ்சிகைகள் அனைத்தும் ஒரே இடத்தில் இலகுவாய் வாங்கவும் வாசிக்கவும் முடிதல்.

5. iCloud
5GB இலவச இடவசதி மற்றும் உங்கள் தகவல்கள் அனைத்தையும் Backup செய்துகொள்ள முடிதல்.

6. Notification
முன்னைய பதிப்புக்களை போலல்லாது எப்போதும் சென்று பார்த்துக்கொள்ளக்கூடியதான ஒரு பொதுவான Notification இடம்.

23 ஐப்பசி, 2011

Coding ஏதும் செய்யாமல் இணையத்தளம் உருவாக்க Adobe Muse

இணையத்தளங்கள் உருவாக்குவதற்கான மிகப்பிரபலமான பல மென்பொருள்களை உருவாக்கி வருகின்ற அடொபி நிறுவனம் தனது புதிய மென்பொருளான Muse இனை அறிமுகப்படுத்தியுள்ளது. Muse என்பது இதன் தற்போதய பெயர் என்பதோடு இம்மென்பொருள் பதிப்பு ஒன்றினை அடையும்போது அதற்கான பெயர் தீர்மானிக்கப்படும் எனவும் அறிவிக்கப்பட்டுள்ளது.

Adoeb Muse இணை பயன்படுத்துவதன்மூலம் எவ்விதமான Coding உம் எழுதாமல் ஒருவரால் மிக இலகுவாக ஒரு இணையத்தளம் ஒன்றினை உருவாக்கிவிட முடியும். உங்களுக்கு தேவையான html மற்றும் css கோப்புக்களை இம்மென்பொருள் எழுதித்தருவதோடு jQuery போன்ற javascript framework குகளையும் தனாகவே தேவைக்கேற்ப இணைத்துக்கொள்ளும். மேலதிக வசதிகள் தொடர்பாய் அறிந்து கொள்ள இங்கே பாருங்கள்.

இம்மென்பொருள் அடொபி AIR தொழிநுட்பத்தினை பயன்படுத்தி இயங்கினாலும் லினிக்ஸ் கணினிகளில் இயங்காது.

தரவிறக்கிக்கொள்ளவும், பயன்படுத்திப்பார்க்கவும் இங்கே வாருங்கள்.

16 ஆவணி, 2011

பயனுள்ள சில திறமூல மென்பொருள்கள்

1. Notepad++
வின்டோஸ் இயங்குதளத்திற்கு கிடைக்கின்ற ஒரு மிகச்சிறந்த text editor இதுவாகும். நீங்கள் ஏதாவது ஒரு கணினி மொழியை பயன்படுத்துபவராகவும், வின்டோஸ் இயங்குதள பாவனையாளராயும் இருப்பின் இம்மென்பொருள் உங்களுக்கு ஏற்கனவே பரீட்சயமான ஒன்றாகத்தான் இருக்கும்.

இம்மென்பொருளுக்கு ஏராளமான செருகிகளும் (plugins) இருப்பது குறிப்பிடத்தக்கது. இம்முகவரிக்கு சென்றால் அவற்றுள் ஏராளமானவற்றை கண்டுகொள்ள முடியும்.

2. Blender

மிகச்சிறந்த ஒரு முப்பரிமாண உருவங்களை உருவாக்கக்கூடியதும் அவற்றினை அசை படங்களாக உருவாக்குவதற்குமான ஒரு மென்பொருள் இதுவாகும். பல வணிக ரீதியான மென்பொருட்களை விட இது அதிக வசதிகளும் இலகுவாக அனைவரும் பயன்படுத்தக்கூடியதுமாக அமைந்தள்ளது. மிகப் பிந்திய பதிப்பான Blender 2.5 பதிப்பினை கொண்டு துகள்களை (Particles) இலகுவாக உருவாக்கிவிட முடிவதால், மிகவும் கஸ்டமான சில அசைபடங்களை மிக விரைவாக உருவாக்கி விட முடிகின்றது.

3. FileZilla
வின்டோஸ் இயங்கு தளத்தில் கிடைக்கின்ற மிகச்சிறந்த இணைய தரவேற்றி இதுவாகும். நீங்கள் ஒரு சொந்த இணையத்தளத்தை வைத்திருப்பவராகவும், வின்டோஸ் இயங்குதளத்தை பயன்படுத்துபவராயுமிருப்பின் இம்மென்பொருளை நீங்கள் ஏலவே அறிந்திருப்பீர்கள். இல்லாதவர்கள் கட்டாயம் இதனை பயன்படுத்தி பாரக்கவேண்டும்.

இம்மென்பொருளின் மிகப்பிந்திய பதிப்பு FTP, FTPS, SFTP போன்றவற்றினூடாக இணைப்பினை ஏற்படுத்துவதோடு IP பதிப்பு 6 இலும் சிறப்பாய் வேலை செய்கின்றது.

4. MIRO
நான் தினமும் பயன்படுத்தும் முக்கியமான மென்பொருள் இதுவாகும். நீங்கள் ஒரு Podcast பிரியரென்றால் உங்களிடம் கட்டாயம் இருக்க வேண்டிய மென்பொருளும் இதுதான். ஆயிரக்கணக்கான Podcast களை இலவசமாக தரவிறக்கிக்கொள்ள முடிவதோடு இம்மொன்பொருளிலேயே அவற்றை சிறப்பாக ஒழுங்குபடுத்தி பார்வையிடவும் முடியும். தானகவே புதிய பொட்காஸ்ட் பதிப்புக்கள் வரும்போத தரவிறக்கிக்கொள்வதும், பார்த்தபின் குறிப்பிட்ட நாட்களின் பின் அவற்றை நீக்கிவிடுவதும் இதன் சிறப்பியல்புகள்.

Podcast கள் மட்டுமல்லாது ஒரு சிறந்த ரொறன்ற் கோப்புக்களை தரவிறக்கும் மென்பொருளாயும் இதனை பயன்படுத்த முடியும். ஒரு Torrent செய்தியோடையிலிருந்து கோப்புக்களை தொடர்ச்சியாக தரவிறக்கும் வசதியும் இங்குண்டு. நீங்கள் ஒரு நாடகங்கள் பார்க்கும் பிரியரானால், தொடர்ச்சியாக அவற்றை ரொறன்ற் மூலம் தரவிறக்கிப் பார்க்க இம்மென்பொருள் உதவும்.

5. BitTorrent


நீங்கள் Torrent கோப்புக்களை தரவிறக்குபவராயின் இது ஒரு சிறந்த மென்பொருள். இம்மென்பொருளுக்கென்று ஒரு தனியான APP Studio இருப்பது இதன் சிறப்பம்சம்.

6. XAMPP

உங்கள் வின்டோஸ் கணினியை மிக இலகுவாக ஒரு வழங்கியாக மாற்றிவிடக்கூடிய மென்பொருள் இது. நீங்கள் தனித்தனியே நிறுவவேண்டிய Apache, MySQL, PHP + PEAR, Perl, mod_php, mod_perl, mod_ssl, OpenSSL, phpMyAdmin, Webalizer, Mercury Mail Transport System for Win32 and NetWare Systems v3.32, Ming, FileZilla FTP Server, mcrypt, eAccelerator, SQLite, and WEB-DAV + mod_auth_mysql போன்ற அனைத்தையும் இது ஒரேயடியாக நிறுவி Configure செய்து உங்கள் வேலைப்பளுவை குறைத்துவிடும்.

5 ஆவணி, 2011