Posts Tagged "CMS"

இந்த வார இணையம் – ஜன 29

கோப்பு பரிமாற்றம் மற்றும் Megaupload

படங்கள், மென்பொருள்கள் மற்றும் பாடல்களை இணையமூடாக பரிமாறுவதில் filesharing இணையத்தளங்கள் பெரும்பங்கு வகித்து வந்தன. பொதுவாக torrent இனை பயன்படுத்தாதவர்களுக்கு இத்தளங்கள் இலவசமாய் மென்பொருள்களையும் சினிமா படங்களையும் பெற்றுக்கொள்ள இவை வரப்பிரசாதமாய் இருந்து வந்தன. இப்படியான Filesharing இணையத்தளங்களில் முடிசூடாத மன்னனாக சிலகாலங்களின் முன்னர் இருந்து வந்தது Rapdishare இணையத்தளம். பல வழக்குகள் அவர்கள் மீது பதியப்பெற்று காப்புரிமை செய்யப்பட்ட கோப்புக்களை நீக்கத்தொடங்கியதால் அதன்பின்னர் Megaupload மற்றும் Hotfile என்பன பிரபலம் பெறத்தொடங்கின. சிறிது காலத்தில் Hotfile இணையத்தளமும் வழக்குகளை சந்திக்க Megaupload மிகப்பிரபலம் அடைந்தது. அதைவிடவும் Filesonic, fileserve என்பனவும் ஒரளவு பிரபலமாயிருந்தன.

இம்மாதம் இருபதாம் திகதியன்று பல நாடுகளிலும் இருந்த அவர்களது வழங்கிகள் சோதனைக்குட்படுத்தப்பட்டு, அவ்விணையத்தள உரிமையாளர் உட்பட எழுவர் கைது செய்யப்பட்டு அவர்களது அனைத்து தளங்களும் டொமைன் பெயர்களும் தடைசெய்யப்பட்டன. (Megastuff.co, Megaworld.com, Megaclicks.co, Megastuff.info, Megaclicks.org, Megaworld.mobi, Megastuff.org, Megaclick.us, Mageclick.com, HDmegaporn.com, Megavkdeo.com, Megaupload.com, Megaupload.org, Megarotic.com, Megaclick.com, Megavideo.com, Megavideoclips.com மற்றும் Megaporn.com.)

இப்பொழுது Megaupload தளத்திற்கு சென்றால் இதனைத்தான் பார்க்கலாம்.

இந்த நடவடிக்கையினைத் தொடர்ந்து பல Filesharing தளங்களும், தங்கள் நடவடிக்கைகளை முடக்கியுள்ளன.

Filesonic – 3ம் நபர் தரவிறக்கங்களை தடைசெய்துள்ளது.
Fileserve – 3ம் நபர் தரவிறக்கங்களை தடைசெய்துள்ளது.
Uploaded.to – US பாவனையாளர்களை தடைசெய்துள்ளது.
Filejungle – 3ம் நபர் தரவிறக்கங்களை தடைசெய்துள்ளது.
Filepost – 3ம் நபர் தரவிறக்கங்களை தடைசெய்துள்ளது.
Uploadstation – 3ம் நபர் தரவிறக்கங்களை தடைசெய்துள்ளது.
Uploadbox – சேவையை 30ம் திகதியுடன் நிறுத்துகின்றது.
x7.to – சேவையை நிறுத்துகின்றது.

Filesharing இணையத்தளத்தினை பயன்படுத்தியவர்கள் இனிமேல் torrent களை பயன்படுத்த வேண்டியதுதான். Torrent சம்பந்தமாய் ஏதும் கேள்விகள் இருப்பின் இங்கே கேளுங்கள்.

Fokiz புதிய CMS

உங்கள் இணையத்தளங்களை இலகுவாக நிருவகிக்க உதவுபவை Content Management System (CMS) எனப்படும். இலவச CMS கள் வரிசையில் Drupal, Joomla மற்றும் WordPress போன்றவை மிகப்பிரபலமாயிருப்பினும், புதிய CMS களின் வரவுக்கோ அவற்றின் பாவனைக்கோ குறைவில்லை (CMS கள் பற்றிய என் முந்தைய பதிவை பாருங்கள்). அவ்வகையில் இவ்வாரம் புதிதாய் வெளியிடப்பட்டுள்ள CMS, Fokiz. Inline content editing மற்றும் Responsive layout என்பன இந்த CMS இல் குறிப்பிடக்கூடிய வசதிகள்

PirateBay – Magnet தொடுப்புக்கள் மற்றும் 3D Printing

Torrent இணையத்தளங்களில் மிகப்பிரபலமான thepiratebay இணையத்தளம் புதிய இரு அறிவிப்புக்களை வெளியிட்டிருக்கின்றது.
1. Magnet தொடுப்புக்கள்.
இனிவரும் காலங்களில் piratebay இணையத்தளத் torrent கோப்புக்களிற்கு பதிலாக magent தொடுப்புக்களையே பயன்படுத்தும். இதனால் வழமையான ரொரன்ற் பாவனையாளர்களுக்கு எந்த பிரச்சனையும் ஏற்படாது. இப்போதிருக்கின்ற அனைத்து ரொறன்ற் மென்பொருள்களுமே magnet தொடுப்புக்களை பயன்படுத்தக்கூடியவை. இம்மாற்றத்தின் மூலம் Piratebay இன் வழங்கி தேவைகள் குறைவடையப்போவதுடன் மிக இலகுவாக தளத்தினை பிரதி செய்து கொள்ளவும் முடியும்
2. முப்பரிமாண printing
முப்பரிமாண priting பிரபலமடைந்து வருகின்ற இவ்வேளையில் Piratebay இணையத்தளம் அதற்கென ஒரு புதிய பகுதியினை ஆரம்பித்துள்ளது. இங்கு சொடுக்கி பாருங்கள்.

இவ்வார தொடுப்பு

நிறங்கள் HEX to RGB – http://fooistrue.com/hextone/

நீங்கள் அதிகம் கேள்விப்பட்டிருக்க முடியாத இலவச CMS கள்

Content Management system (CMS) கள் எனப்படுபவைகள் மிக இலகுவாக இணையத்தளம் ஒன்றை நிருவகிக்க உதவி செய்பவை. இவற்றிற்கான மிக அடிப்படையான உதாரணம் blogger இலவச சேவை. இப்படியான ஒரு CMS இனை பயன்படுத்துவதன் மூலம் எங்களினால் மிக இலகுவாக எமது இணையத்தளத்தினை இலகுவாக நிருவகிக்க முடிவதுடன், இலகுவாக உள்ளடக்கங்களை எழுதி வெளியிடவும் அவற்றை மேம்படுத்திக்கொள்ளவும் முடியும்.

மிகப்பிரபலமான CMS கள் என்ற வகையில் வேர்ட்பிரஸ், ஜூம்லா மற்றும் ட்ருபல் போன்றவை அமையும். இவை பற்றியே பலரும் கதைப்பதாலும் எழுதுவதாலும் நாங்கள் வேறு CMS கள் பற்றி அறிய ஆர்வம் காட்டுவதில்லை. இப்பதிவிலே நான் நீங்கள் அதிகம் கேட்டிராதவைகளை வரிசைப்படுத்தியிருக்கின்றேன். பாருங்கள். நூற்றுக்கணக்கான CMSகள் இருக்கின்ற போதும் இவை நான் நிறுவி பரிசோதித்து பார்த்தவையில் சிறந்தவை.

ஏன் நாங்கள் வேறு CMS களை பற்றி அறிய வேண்டும் என்கின்ற கேள்வி உங்களிடம் எழுமானால் அதற்கான முக்கிய காரணமாக அமைவது, அவை எல்லா நேரத்திலும் அவை பயனுள்ளவையாக அமைவதில்லை என்பதுதான். உதாரணமாக ஜூம்லா போன்ற பெரியதொரு CMS இனை ஒரு சிறிய ஆலயம்த்திற்கான இணையத்தளத்திற்கு பயன்படுத்துவதென்பது தேவையற்றது. அவை எமது வழங்கிக்கு தேவையற்ற சுமையை ஏற்படுத்துவதோடு எமக்கு தேவையற்ற பல வசதிகளையும் வழங்குகின்றன. அப்படியான ஒரு சிறிய இணையத்தளத்திற்கு நாங்கள் ஒரு சிறிய CMS இனை பயன்படுத்துவதே சிறப்பானதும் இலகுவானதுமாகும்.

1. GET SIMPLE

இது ஒரு மிக இலகுவாக கையாளக்கூடிய XML இனை அடிப்படையாக கொண்ட திறந்த மூலநிரல் CMS ஆகும். இது XML இனை தரவு சேமிப்பிற்கு பயன்படுத்துவதால் உங்களுக்கு ஒரு தரவுத்துளம் தேவையில்லை என்பது குறிப்பிடத்தக்கது.

2. ZINE

ZINE பைத்தன் மொழியில் எழுதப்பட்ட திற மூலநிரல் CMS. இது களத்திற்கு புதிதென்றாலும் பாதுகாப்பிற்கு முக்கியத்துவம் கொடுத்து உருவாக்கபட்டிருக்கும் ஒரு மென்பொருள் ஆகும். இது இயங்க உங்கள் வழங்கியில் பைத்தன் நிறுவப்பட்டிருக்க வேண்டும் என்பது முக்கியமானது. துரதிஸ்டவசமாக அனேகமான மலிவான இணைய வழங்குனர்கள் இவ்வசதியை வழங்குவதில்லையாகையால் நீங்கள் உங்கள் இணைய வழங்குனரை தேர்வுசெய்தவதில் கொஞ்சம் கவனம் செலுத்த வேண்டும்.

3. COUCH CMS

மிக மிக இலகுவான PHP மொழியலமைந்த ஒரு CMS இதுவாகும். உங்களது எந்த HTML வடிவமைப்பையும் இலகுவாக இந்த CMS இனை கொண்டு நிருவகிக்க முடியும். கற்றுக்கொள்வது என்று இங்கு எதுவும் இல்லை.

4. CONTAO

இதுவும் ஒர திற மூலநிரல் CMS ஆகும். CSS மொழியினை கொண்டு இலகுவாக வடிவமைப்புகளை மேற்கொள்ள கூடியதாக இருப்பதும் படிவங்கள், நாட்காட்டி போன்ற வசதிகளை உள்ளடக்கியும் இருப்பது குறிப்பிடத்தக்கவையாகும்.

5. HABARI

உங்கள் இணைய வழங்கிக்கு அதிக சுமை கொடுக்காத CMA களில் ஒன்று HABARI. எந்தஒரு தரவுத்தளத்தையும் நீங்கள் இதனுடன் பயன்படுத்த முடியும் என்பது குறிப்பிடத்தக்கது.

6. FROG CMS

மிக மிக இலகுவான CMS களின் ஒன்றான இது சிறிய இணையத்தளங்களை சிறப்பாக நிருவகிக்க உதவக்கூடியது. ஒவ்வொரு பக்கத்திற்கும் தனியான வார்ப்புருக்களை உருவாக்கக்கூடியதாய் இருப்பது இதன் சிறப்பம்சங்களில் ஒன்று,

7. PIXIE CMS

இதுவும் ஒரு இலவசமான திற மூலநிரல் CMS ஆகும். மிக இலகுவாக சிறிய இணையத்தளங்களை உருவாக்கி நிருவகிக்க உதவும்.

8. LOCOMOTIVE

ruby on rails இனை அடிப்படையாக கொண்ட மிகவும் பாதுகாப்பு மிகுந்த ஒரு CMS இதுவாகும். இது இலவசமான திறமூலநிரலை கொண்டுள்ள போதும் இதனை உங்கள் இணைய வழங்கியில் நிறுவ உங்களிடம் rails நிறுவப்பட்டிருக்க வேண்டும். மிக அழகான CMS களில் ஒன்று இது.

9. RADIANT CMS

இதுவும் ruby on rails இனை பயன்படுத்தி உருவாக்கப்பட்ட ஒரு திற மூலநிரல் CMS. பாதுகாப்பானதும் இலகுவாக வார்ப்புருக்களை உருவாக்க முடிவதும் இதன் சிறப்புக்களாகும்.

உங்களிடம் ஏதும் கேள்விகள் இருப்பின் பின்னூட்டத்தில் அல்லது இங்கே கேளுங்கள்.

Joomla ன்னா என்ன?

நேற்று நான் Joomla வெளியானது பற்றி எழுதிய பதிவின் பின்னுட்டமாக வடுவூர்குமார் Joomla பற்றி யாராவது எழுதும்படி கேட்டிருந்தார். எனக்கு தெரிந்தவரை எழுதுகின்றேன்.

ஒரே வரியில சொல்லவேண்டும் என்றால் Joomla ஒரு Content Management System. சரி கொஞ்சம் விளக்கமா பாப்பம்.

இணையம் என்பதன் ஆரம்பம் முதல் ஏறத்தாள பத்து வருடங்களாக நிலையான இணையப்பக்கங்களே (Static page) இணையத்தில் ஆதிக்கம் செலுத்தி வந்தன. இதன் பின்னரே Content Management System என்ற வகையில் உருவாகிய இயங்கு தளங்கள் (Dynamic web pages) ஆதிக்கம் செலுத்தத் தொடங்கின. இவற்றில் ஒரு இலவச மிகப்பிரபலமான CMS தான் Joompa. இது PHP மற்றும் MySQL ஐ அடிப்படையாக கொண்டது. 2005ம் ஆண்டுவரை Mambo என்கின்ற பெயரில் மேம்படுத்தப்பட்டு வந்த இது, அதன் மேலாளர் குழு செயல்நிரல்களை எடுத்துக்கொண்டு வெளியேறிய பின்னர், Joomla 1 என்கின்ற பதிப்பாக Mambo 4.5.2.3 இன் சிறிய மாற்றங்களோடு வெளிவந்தது. Mambo இன் அடைப்பலகைகள் மற்றும் Extention கள் கூட இதில் வேலை செய்யும்.

இப்பொழுது இரண்டு நாட்களின் முன்னர் அடிப்படை கட்டுமானங்களிலிருந்து மாற்றம் பெற்று ஒரு object-oriented PHP framework ஆக Joomla 1.5 வெளிவந்திருக்கின்றது. இதில் நீங்கள் பழைய பதிப்பிற்கென உருவாக்கப்பட்ட அடைப்பலகைகளையோ Module களையோ Legacy Mode இல் விட்டால் அன்றி பயன்படுத்த முடியாது.

Joomla எவ்வாறு வேலை செய்கிறது என்பதை மிக இலகுவாக கீழ் குறிப்பட்டவாறு காட்டிவிடலாம்.

இதில் Microsoft Internet Information Server (IIS) இனை பயன்படுத்த வேண்டுமாயின் உங்கள் இயங்குதளம் கட்டாயம் வின்டோஸ் ஆக இருக்க வேண்டும்.

ஆகக் குறைந்தது Joomla இயங்குவதற்கு

PHP 4.3.x அல்லது மேம்பட்டது

MySQL 3.23.x அல்லது மேம்பட்டது

Apache 1.13.19 அல்லது மேம்பட்டது
தேவை.

உங்களிடம் ஒரு வழங்கி இல்லாவிட்டால் இவற்றை இலவசமான அவ்வவ் தளங்களில் இருந்து தரவிறக்கி உங்கள் கணினியில் நிறுவி Joomla வை பரிசோதிக்கலாம் அல்லது இலகுவாக என்னைப்போல XAMPP இனை தரவிறக்கி நிறுவி பரிசோதிக்கலாம். (Joomla வையும் தரவிறக்கி நிறுவ வேண்டும், அது ஒன்றும் பெரிய காரியம் இல்லை. வழமையான அடுத்து அடுத்து தான்.). XAMPP இல் உங்கள் கணினியை ஒரு வழங்கியாக மாற்றுவதற்கு தேவையான அனைத்தும் உள்ளன. (வின்டோஸ் மற்றும் லினிக்ஸ் பதிப்பும் உண்டு, நீங்கள் Joomla வை மட்டும் என்றல்ல ஒரு வழங்கியால் என்னவெல்லாம் செய்யமுடியுமோ அவற்றை இதைக்கொண்டு செய்ய முடியும். MySQL இனை இலகுவாக பயன்படுத்துவதற்குரிய PHPMyAdmin உம் இதனுடன் உண்டு)

சரி Joomla வை வைத்து என்ன செய்ய முடியும்??
ஒரு தனிநபருடைய இணையத்தளத்தில், வலைப்பதிவில் இருந்து ஒரு பன்னாட்டு நிறுவன இணையத்தளம் வரைக்கும் இதனை வைத்து இலகுவாக எந்தவித கணினி மொழி அறிவும் இன்றி உருவாக்கி விட முடியும். (சிறிதளவு PHP மற்றும் MySQL, CSS அறிவிருப்பின் மிகச்சிறப்பாக உருவாக்கலாம்).

Joomla வில் இரண்டு முகப்புகள் உண்டு. ஒன்று நாங்கள் வழமையாக பார்க்கும் முன்முகப்பு மற்றையது அதனை ஒழுங்குபடுத்துவதற்கு மற்றும் தகவல்களை சேர்ப்பதற்கான மிக இலகுவாக கையாழக்கூடிய நிருவாக முகப்பு.

உண்மையில் ஒரு முறை நீங்கள் கணினியில் இதனை நிறுவிவிட்டால் உங்களுக்கு எந்தவிதமான சந்தேகங்களும் எழாது என்பதுதான் உண்மை. உதாரணத்திற்கு உங்கள் தளம் சம்பந்தமாக அடிப்படையான தரவுகளை இணைக்கும் பகுதியை பாருங்கள்.

அதேபோல உங்கள் இணையத்தளத்தில் ஒரு சர்வே எடுக்க வேண்டுமானால் மிக இலகுவாக ஒரு சொடுக்கில் ஒரு Poll Module இனை தளத்திற்கு கொண்டுவந்துவிட முடியும்.

அதே போல நீங்கள் உங்கள் தளத்திற்கு ஒரு தகவலை சேர்க்க வேண்டுமானால் புளொக்கரில் உள்ளதுபோன்ற ஆனால் அதனை விட மேம்பட்ட ஒரு WYSIWYG editor உள்ளது.

இப்போது புதிய பதிப்பில் நீங்கள் உங்கள் ஜிமெயில், ஓபின் ஐடி கொண்டு உள்நுழையும் வசதிகளும் வந்திருக்கின்றன.

சரி ஆக CMS என்றால் Joomla தானா?? இல்லை இதற்கு நிகரான Drupal மற்றும் Xoops போன்று பல உள்ளன.

முக்கியமாக நீங்கள் அறிந்து கொள்ள வேண்டியது என்னவெனில் CMS மற்றும் Blog இரண்டிற்கும் இடையில் பெருமளவு வித்தியாசங்கள் உள்ளன. ஆனால் எங்கள் தேவைகளை பொறுத்த Blog ஆனா WordPress இனை CMS ஆகவும் CMS ஆன Joomla மற்றும் Drupal இனை Blog ஆகவும் பயன்படுத்துவதுண்டு. அவைபற்றி தனி ஒரு பதிவு எழுதினால் தான் பூரணமாக எழுத முடியும்.

வேறென்ன ஏதாவது ஒரு சந்தேகம் இருந்தா கேளுங்க. தெரிஞ்சளவிற்கு சொல்லுறன்.