அப்பிள் நிறுவனம் மற்றும் அவர்களது தயாரிப்புகள் தொடர்பான பதிவுகள்.
அப்பிள் நிறுவனம் தனது மிகப்பிரபலமான ஐபொட் இன் அடுத்த பதிப்பினை வெளியிட்டுள்ளது.
மேலதிக தகவல்களுக்கு இங்கே வாங்க.
பின் குறிப்பு :- எனக்கு யாரும் வாங்கித்தந்தா வேண்டாம் எண்டு சொல்லமாட்டன் ?????!!!!!!!……
மக் இயங்கு தளத்தில் யுனிகோட் தமிழ் என்பதில் பலருக்கு சந்தேகம் இருப்பதாக ரவிசங்கர் பின்னூட்டத்தில் குறிப்பிட்டிருந்தார். இந்த இயங்குதளத்திற்கு நான் புதியவன் என்றாலும் நான் செய்த முதல் வேலையே தமிழை (யுனிகோட்டினை) இலகுவாக பயன்படுத்த முடியுமா என்று சோதித்தமைதான். நான் முன்னரே குறிப்பிட்டபடி ரைகர் பதிப்புடன் (10.4) தமிழ்99 விசைப்பலகை இணைக்கப்பட்டே வருகின்றது. அத்துடன் அஞ்சல் விசைப்பலகையும் இணைக்கப்பட்டுள்ளது. இதனை எவ்வாறு பயன்படுத்துவது என பார்ப்போம்.
அப்பிள் பொத்தானை அழுத்தி System preference இற்கு வாருங்கள்.
அங்கு Internationals இனை அழுத்துங்கள். அங்கு Input Menu இல் அஞ்சல் மற்றும் தமிழ் 99 இரண்டினையும் அல்லது உங்களுக்கு தேவையானதை மட்டும் தேர்வு செய்து விடுங்கள்.
பிறகு உங்களுடைய System tray இல் வேண்டிய பொழுது வேண்டிய உள்ளீட்டு முறையினை தேர்வு செய்து கொள்ளுங்கள். அவ்வளவுதான்.
சரி உங்களுக்கு இரண்டுமே பிடிக்கவில்லை பாமினி (நான் பாமினி) முறை அல்லது தமிங்கலம் அல்லது உங்கள் தனிப்பட்ட விசைப்பலகை முறைதான் வேண்டும் என்றால் என்ன செய்வது?? ஒரு பிரச்சனையும் இல்லை.
Ukelele மென்பொருளை தரவிறக்கிக்கொள்ளுங்கள் (இலவசம் – கூகிளின் தேடினால் எங்கு பெறலாம் என்று தேரியும்) உங்களுக்கு விரும்பிய விசைப்பலகை முறைமையினை இலகுவாக உருவாக்கி கொள்ள இது உதவும். பின்னர் நீங்கள் உருவாக்கிய விசைப்பலகையை நிறுவிக்கொண்டால் அஞ்சல் மற்றும் தமிழ் 99 ளுலளவநஅ வசயல இல் வருவது போல உங்கள் விசைப்பலகையையும் விரும்பியபோது தெரிவுசெய்து பயன்படுத்திக்கொள்ள முடியும். (மேலே உள்ள படம் நான் பாமினிக்காக விசைப்பலகையை உருவாக்கியபோது எடுக்கப்பட்ட திரைவெட்டு)
நான் கணினிப்பக்கம் வந்த காலம் 1998 இன் பிற்பாதி. அப்போது பாடசாலையில் படித்துக்கொண்டிருந்த காலம். எனக்கு முதலாவதாக கிடைத்த கணினி ஒரு ரொசீபா மடிக்கணினி வின்டோஸ் 98 முதற்பதிப்புடன். 1999 இன் நடுப்பகுதிவரை கணினி விளையாட்டுக்கள் மற்றும் தமிழ் வீடியோக்களுடன் எனது நேரம் கழிந்துகொண்டிருந்தது. பின்னர் மக்ரோமீடியா பிளாஸ் மென்பொருளில் ஆர்வம் வந்த பின்னர் அதனை அடிப்படையாக வைத்து இணைய வடிவமைப்பு மற்றும் மென்பொருட்களுக்கான நிரல்கள் எழுதுதல் என நேரம் செலவாக தொடங்கியது. 2003 இல் (பாடசாலையின் இறுதிக்காலம்) நான் வாங்கிய மேசைக்கணினியுடன் (வின்டோஸ் எக்பி இயங்குதளத்துடன்) பகுதிநேர தொழிலாக கூட அது மாற்றமடைந்தது.
அத்தோடு எனது நோண்டிப்பார்த்தல் என்கின்ற விடயமும் ஆரம்பமாகியது. தொடர்ச்சியாக கிராஸ் ஆகின்ற இயங்குதளம் என்கின்ற வகையிலேயே என்னால் வின்டோஸ் எக்பி பதிப்பினை அடையாளப்படுத்த முடிந்ததால் வேறு வேறு இயங்கு தளங்களை பரிசோதிக்க ஆரம்பித்தேன். முதலில் 2004 இன் இறுதியில் என்று நினைக்கின்றேன், மான்ரேக் லினிக்ஸினை (மான்ரேவ் என் பெயர் மாற்றப்பட முன்னர், அனேகமாக பதிப்பு 9 அக இருக்க வேண்டும்) பரிசோதிக்க ஆரம்பித்தேன். அதன் பயனாளர் இலகுத்தன்மையை கணிப்பதற்காக எனது நண்பர்கள் அனைவரினையும் அதனை நிறுவுமாறு கேட்டுக்கொண்டதோடு சிலரின் கணினியில் நானே நிறுவிவிடும் வேலையையும் பார்த்துக்கொண்டேன். (இதனால் நண்பர்களின் பிரத்தியேக கோப்புகள் பல அழிந்து போனதெல்லாம் வேறு விடயம்).
அப்போதய எனது கணினி அறிவு குறைவாயும் எனது கணினியின் தேவைகள் மான்ரேக் தருவதைவிட அதிகமாகவும் இருந்ததனால் அதனை விட்டு மீண்டும் வின்டோஸினையே தொடர்ந்து பயன்படுத்தி வந்தேன். இருந்தாலும் தமிழில இருந்த பின்னர் டேபியன் லின்டோஸ் (அப்போது லின்டோஸ், பிறகு தான் “லின்ஸ்பயர்” பெயர் மாத்தினவங்கள்) என்று தொடர்ந்த எனது நோண்டிப்பார்த்தால் உபுந்துவில வந்து நிக்கக்க 2007 தொடங்கீற்றுது.
இடையில நாட்டுப்பிரச்சனைகளால கொம்பியூட்டருக்கு கிட்டயே போகேலாமல் போன காலமும் உண்டு. என்னோட தேவைகளுக்கு உபுந்து போதுமானதா இருந்ததோட என்னால அதற்குரிய மென்பொருள்களையும் எடுத்துக்கொள்ளக் கூடியதா இருந்துது. ஆனா என்ர போதாத காலம் எண்டு அந்த நேரம் பாத்து விஸ்ரா வெளிவந்துது. ஏன் விடுவான் எண்டு அதை எடுத்து உடனேயே நிறுவினா திருப்பியும் பிடிச்சுது சனி. ஏகப்பட்ட கிராஸ் அத்தோட பழைய மென்பொருட்களோட அது காட்டின ஒத்திசைவு, முக்கியமா மென்பொருட்களின்ர உதவிப்பக்கங்களை பாக்கிறது எல்லாத்திலயும் பிரச்சனைதான். கணினிய மூடுறதுக்கு எடுக்கிற நேரத்தில வேற வேலையே பாக்கலாம் போல இருந்துது.
கடைசியா இப்ப எல்லாத்தையும் விட்டுட்டு முக்கியமா வின்டோசை விட்டுட்டு முதன்முறையா ஒரு மக்புக்(Macbook) வாங்கிட்டன். கிட்டத்தட்ட ஒரு மாசமாகுது. அதோட நானும் அதுக்கு பழக்கமாகிட்டன். (அலுவலக கணினியில கூட றைற் கிளிக் பண்ண ctrl பொத்தானை அழுத்திறன் எண்டா பாருங்கோவன். அது வின்டோஸ்). என்ர நண்பர் ஒருவர் கொழும்பில இருந்து தேவையான மென்பொருட்களை தரவிறக்கி அனுப்பியிருந்தார். இப்பதான் முதல்முதலா ஒரு பிரச்சனையில்லாத இயங்குதளத்தை பாவிக்கிறன் எண்ட எண்ணம் வந்திருக்குது. இதைப்பாத்திட்டு என்ர நண்பர்கள் சில பேரும் மக் இற்கு மாறுவமோ எண்டு யோசிக்கினம். வருகிற ஐப்பசியில சிறுத்தை உறுமும் எண்டு அப்பிள் நிறுவனம் அறிவிச்சிருக்கு. இப்பவே போதும் எண்டு இருக்கு. அதுவும் வரட்டும் பாப்பம்.
