உதவிக்குறிப்புகள்

இலவச வேர்ட்பிரஸ் வகுப்பு

ஒரு இரண்டு மூன்று வருசமா நான் வேர்ட்பிரஸை பயன்படுத்திக்கொண்டு இருக்கிறதால ஏதோ கொஞ்சம் வேர்ட்பிரஸ் பற்றி தெரிஞ்சிருக்கு. இதில முக்கியம் என்னெண்டா நான் கணினி மூலமா ஈட்டிற வருமானத்தில பெருமளவு வேர்ட்பிரஸ் சார்ந்ததா தான் இருக்குது. (மிச்சம் joomla).

இதனால வேர்ட்பிரஸ் பற்றி தெரியாதாக்களுக்கு எனக்கு தெரிஞ்ச கொஞ்சத்தை சொல்லிக்குடுப்பம் எண்டு பாக்கிறன்.

எப்பிடி சொல்லிக்குடுக்க போறன்?
என்னுடைய கணினி டெக்ஸ்ரொப்பை நீங்கள் பாக்க அனுமதிப்பதன் மூலம்.

மொழி மூலம்
தமிழ் அல்லது ஆங்கிலம் (உங்கள் தெரிவினை பொறுத்தது)

உத்தேச பொருளடக்கம்
1. வேர்ட்பிரஸ் என்றால் என்ன?
2. என்ன மென்பொருட்கள் என்னத்துக்கு பாவிக்கிறன்.
3. வேர்ட்பிரஸ் நிறுவல் – எங்கள் கணினியில்
– வழங்கி ஒன்றில்
4. வேர்ட்பிரஸ் நிருவாக முகப்பை அறிந்து கொள்ளல்
4.5 CSS அறிமுகம் (நீங்க விரும்பினா மட்டும்)
5. வேர்ட்பிரஸ் theme உருவாக்கம் – கொஞ்சம் விரிவா
6. வேரட்பிரஸை மேம்படுத்தல் – Custom fields.

கால அளவு
ஒண்டு தொடக்கம் ஒண்டரை மணித்தியாலம்

நேரம்
பங்குபற்றுபவர்களை பொறுத்து தீரமானிக்கபடும்

சரி உங்களிட்ட என்ன இருக்கவேணும்.
அறிந்துகொள்ள வேண்டும் என்ற ஆர்வம்
VNC நிறுவப்பட்ட கணினி
வேகமான இணைய இணைப்பு

உங்களுக்கு என்ன தெரிஞ்சிருக்க வேணும்.
CSS பற்றி கேள்விப்பட்டிருக்க வேணும்.
PHP, MySQL எண்டு கொஞ்சம் உலகத்தில இருக்குது எண்டு தெரிஞ்சிருக்க வேணும்.

சரி நீங்கள் குறுக்கால கேள்வி கேக்கலாமா?
வடிவா கேக்கலாம். ஆனா நான் பதில் தெரிஞ்சாத்தான் சொல்லுவன்.

பங்குபற்ற என்ன செய்யவேண்டும்.
உங்களுக்கு எந்தெந்த நாளில என்னென்ன நேரம் சரிவரும் (தயவு செய்து இலங்கை இந்திய நேரத்தை குறிப்பிடவும்), என்ன மொழி மூலம் எண்டா நல்லம் எண்டு சொல்லி ஒரு பின்னூட்டம் போட்டா சரி. (உத்தேச பொருளடக்கத்தில ஏதாவது சேக்க வேணும் எண்ட நினைச்சாலும் பின்னூட்டத்தில சொல்லுங்கோ.

பின்குறிப்பு
உங்களுக்கு தெரிஞ்சாக்களுக்கு இதைப்பற்றி உங்கள் பதிவு மூலமா சொல்லுங்கோ.
இந்த வகுப்பு நல்லா நடந்தா WordPress, Joomla பற்றி மேலும் சில வகுப்புகள் எடுக்கிற யோசனை இருக்கு.
மு.மயூரனிட்ட wiki பற்றி ஒரு வகுப்பு எடுக்கச்சொல்லி எல்லாருமா சேந்து ஒரு அலுப்பு குடுக்கலாம்.

Flash Tool tip ஐ எப்பிடி பாவிக்கிறது??

நான் உருவாக்கின Flash Tooltip component ஒண்டை சில நாட்களுக்கு முன் தரவிறக்க தந்திருந்தனான். ஆனா சிலவேளைகளில அதை என்னெண்டு பாவிக்கிறது எண்டு உங்களுக்கு ஏதேனும் சந்தேகம் இருந்தா அதுக்காகத்தான் இந்த பதிவு. இது மிகவும் தொடக்க நிலை பயனாளர்களுக்கானது.

முதலில நீங்கள் இன்னமும் அதை தரவிறக்காமல் இருந்தால் போய் தரவிறக்கி உங்கட கணினியில நிறுவிக்கொள்ளுங்கோ. உங்களிட்ட கட்டாயம் Adobe Extension manager இருக்க வேணும். நிறுவினா கீழ இருக்கிற மாதிரி Extension manager இல காட்டும்.

சரி இனி உங்கட பிளாஸ் மென்பொருளை திறந்து அதில Component panel ஐ திறந்து பாருங்கோ. அதில கீழ காட்டியிருக்கிற மாதிரி இருக்கும்.

இனி இதை எப்பிடி பயன்படுத்திறது எண்டு பாப்பம்.

ஒரு Button ஒன்றை முதலில உருவாக்கி அதுக்கு ஒரு பெயர் வையுங்கோ. கீழ நான் அதுக்கு home_but எண்டு பெயர் வைச்சிருக்கிறன்.

அடுத்ததா Tooltip component ஐ இழுத்து வந்து அந்த button க்கு மேல விடுங்கோ. பிறகு parameters இக்கு வந்தா இப்படி இருக்கும்.

இதில Content எண்ட field இல உங்களுக்கு விரும்பினதை தட்டச்சுங்கோ. நான் Go to home எண்டு அடிச்சிருக்கிறன்.

பிறகென்ன publish பண்ணி பாருங்கோ. உங்கட சுட்டியை அந்த button க்கு மேல கொண்டு போக அந்த tool tip தெரியும். அவ்வளவுதான்.

மற்ற field களையும் மாத்தி என்ன நடக்குது எண்டு பாருங்கோ.

நீங்களும் கார்ட்டுனாகலாம்.. PS tutorial

நான் இணையத்தை சுத்திவரேக்க இந்த Tutorial கண்ணில பட்டுது. ஒரு புதிய மனித உருவத்தை போட்டோ சொப்பில் உருவாக்க நானும் எவ்வளவோ வழிகளை பார்த்திருக்கிறன். ஆனா இந்த வழிமுறைபோல இலகுவான ஒரு முறையை இப்பொழுதுதான் பார்த்தேன். நான் கீழே காட்டியிருக்கிற படத்தை உருவாக்க எனக்கு கிட்டத்தட்ட இரண்டு மணித்தியாலந்தான் எடுத்துது. ஒரு நல்ல போட்டோசொப் பயனாளருக்கு அவ்வளவு நேரம் தேவையில்லை. இன்னும் கொஞ்சநேரம் செலவழித்திருந்தால் தலைமயிரைக்கூட மாற்றியிருக்க முடியும்.

சரி இங்க சொடுக்கி தொடங்குங்க வேலையை.