கூகிள்

Search Me – அழகாய் தேடலாம் வாங்க..

கூகிள், யாகூ, லைவ் எண்டு எல்லா தேடுபொறிக்கும் போய் தேடிப்பாத்தாச்சு. எல்லாம் ஒரே எழுத்துக்களா வாசிக்கவே அலுப்பா இருக்குதா. சரி Searchme க்கு வாங்க.

இது மற்றைய தேடுபொறிகள் போலல்லாமல் தேடல் முடிவுகளை மிக அழகான முறையில் iTunes album களை காட்டுவது போல, உங்கள் குறிச்சொல் இருக்கும் இணையத்தளங்களின் திரைவெட்டுகளை காட்டுகிறது.

இது பிளாஸ் பிளேயரை பயன்படுத்துவதால் யுனிகோட் ஒருங்குகுறி சரியாக தெரியவில்லை.
போய் தேடிப்பாத்திட்டு திரும்பி வந்து ஒரு பின்னூட்டம் போட்டு விடுங்க..

ஜிமெயில் புதிய வசதிகள்

கூகிள் நிறுவனம் தனது மின்னஞ்சல் சேவையான ஜிமெயிலில் மேலும் சில புதிய வசதிகளை அறிமுகப்படுத்த இருப்பதாக தனது உத்தியோகபூர்வ வலைப்பதிவின் மூலம் அறிவித்திருக்கின்றது. அவை இப்போது சோதனைக்கு விடப்பட்டுள்ளன.

புதிய நட்சத்திர குறிகள்
நட்சத்திரமிடுதல் என்பது ஜிமெயிலில் மட்டும் இருக்கின்ற ஒரு சிறப்பான வசதியாகும். மிக முக்கியமான அல்லது விரைவில் கவனமெடுக்கவேண்டிய மின்னஞ்சல்களை நட்சத்திரமிட்டு வைக்க இந்த வசதி கைகொடுத்து வந்தது. ஆனால் அதிகளவான மின்னஞ்சல்கள் நடசத்திரமிடப்படும்போது அவற்றில் முக்கியமானவற்றை கண்டு பிடிப்பதில் சிக்கல்கள் ஏற்பட்டன. அதற்கு தீர்வாக இது அமையும் என எதிர்பார்க்கப்படுகின்றது.

அரட்டையில் படங்கள்.
ஜிமெயில் சேவையோடு இணைக்கப்பட்டிருக்கும் மிக முக்கியமான ஒன்று அரட்டை. அதில் மிக முக்கியமான ஒரு வசதியை ஜிமெயில் ஏற்படுத்தி கொடுத்திருக்கின்றது. இதன்மூலம் அரட்டை செய்பவரின் புகைப்படம் கீழ்காட்டப்படவாறு அரட்டை வின்டோவில் தெரியும்.

இலகுவான தொடுப்புக்கள் அமைக்கும் வசதி
இதன் மூலம் நாம் அடிக்கடி ஜிமெயிலில் செய்யும் வேலைகளுக்கு குறுக்கு வழியொன்றை (Shortcut) ஒன்றினை அமைத்துக்கொள்ள முடியும்.

Live Vs. Google

இணையத்தில் மிக அதிகமாக பார்க்கப்படும் இணையத்தளங்கள் தேடுபொறிகள் தான். இவைதான் அனேகமாக தொடக்கப்புள்ளியாக இருக்கின்றன. இத்தேடுபொறிகளினுள்ளே எது சிறந்தது என்கின்ற போட்டி அடிக்கடி ஏற்படுவது வழமை.

மைக்ரோசொவ்ற் நிறுவனத்தின் Live தேடுபொறியினையும் கூகிள் தேடுபொறியினையும் இங்கு அழகாக ஒப்பிட்டிருக்கிறார்கள். போய் பாருங்கள்.