உலக சனத்தொகையின் ஏறத்தாள 15 தொடக்கம் 22 வீதமானோர் இணையப்பாவனையாளர்களாக இருப்பதாக கொம்ஸ்கோர் நிறுவனம் அறிவித்துள்ளது. அவர்களின் எண்ணிக்கை பிரகாரம் கடந்த மார்கழி மாதத்தில் இணைய பயனாளர்களின் எண்ணிக்கை ஒரு பில்லியனை எட்டியுள்ளது.
நாடுவாரியாக இணையப்பயனாளர்களின் எண்ணிக்கை (மில்லியனில்)
1. சைனா – 179.7
2. ஐக்கிய அமெரிக்கா – 163.3
3. யப்பான் – 60.0
4. ஜேர்மனி – 37.0
5. ஐக்கிய இராச்சியம் – 36.7
6. பிரான்ஸ் – 34.0
7. இந்தியா – 32.1
8. உருசியா – 29.0
9. பிரேசில் – 27.7
10.தென்கொரியா 27.3
11.கனடா – 21.8
12. இத்தாலி – 20.8
13. ஸ்பெயின் – 17.9
14. மெக்சிகோ – 12.5
15. நெதர்லாந்து – 11.8
முன்னைய பகுதி ஒன்றில் நாங்கள் பொதுவாக இணையத்தில் பணம் சம்பாதிக்கும் இரண்டு வழிமுறைகளை பற்றி பார்த்திருந்தோம். இப்பொழுது அவற்றில் சில விடயங்களை பற்றி விரிவாகப் பார்ப்போம்.
அதற்கு முன்னர் முன்னைய பதிவில் மாயா கேட்டிருந்த ஒரு கேள்விக்கு வருவோம். அதில் தமிழ் பதிவுகளுக்கு கூகிள் தனது அட்சென்ஸ் இனை வழங்குவதில்லையே அதற்கு என்ன செய்யலாம் என்று கேட்டிருந்தார். உண்மையில் கூகிளின் நெறிமுறைகளுக்கமைய தமிழில் இருக்கும் இணையத்தளங்களுக்கு கூகிள் அட்சென்ஸை வழங்கமுடியாது. ஆனால் எங்களால் இலகுவாக ஒரு ஆங்கில வலைப்பதிவை தொடங்க இயலும். எனவே ஒரு ஆங்கில வைலப்பதவினை தொடங்கி அதனூடாக அட்சென்ஸை விரும்பினால் பெற்றுக்கொள்ள இயலும்.
போட்டிகளில் கலந்து கொள்ளல்.
பணம் சம்பாதிக்க அல்லது உங்களுக்கு தேவையான சில விடயங்களை இலகுவாக பெற்றுக்கொள்ள இன்னுமொரு வழி போட்டிகளில் கலந்து கொள்ளுதல். பல இணையத்தளங்கள் மற்றும் வலைப்பதிவுகள் காலத்துக்கு காலம் போட்டிகளை நடாத்தி பரிசில்கள் கொடுக்கும். (கொஞ்சகாலத்துக்கு முந்தி தமிழ் வலைப்பதிவர் ஒருவரும் ஒரு போட்டி வைச்சு இலவசமா இணையத்தளம் ஒன்றை கொடுத்திருந்தார் – ஆரெண்டிறது அவ்வளவா ஞாபகம் இல்லை).
இப்படி எங்கயெங்க போட்டிகள் நடக்குது எண்டதை எப்படி கண்டுபிடிக்கிறது எண்டுறதையும் பிறகொரு பதிவில சொல்லுறன்.
இப்பொழுது நாங்கள் இன்றைய விடயத்துக்கு வருவோம்.
Elance அல்லது GetAFreelancer போன்ற இணையத்தளங்களினூடு வேலைகளை பெற்றுக்கொள்ளுதல்.
Elance நிறுவனம் மற்றும் GetAFreelancer இணையத்தளங்களில் நீங்கள் இலவசமாக ஒரு கணக்கினை உருவாக்கி கொள்ள முடியும். ஆனால் அங்கு சில வரையறைகள் உள்ளன. உதாரணமாக Elance நிறுவனத்தின் இலவச கணக்கினை கொண்டு உங்களால் ஆகக் கூடியது மாதம் ஒன்றிற்கு மூன்று கோரல்களையே செய்ய முடியும் (நீங்கள் மாதாந்தம் 10 அமெரிக்க டொல்ர்கள் செலவளித்தால் உங்களால் 20 கோரல்கள் வரை செய்ய முடியும்). இங்கு அனேகருக்கு ஏற்படுகின்ற பிரச்சனை என்னவென்றால் இந்த மாதம் செய்கின்ற மூன்று கோரல்களும் கிடைக்காது போய்விடின் பின்னர் இன்னுமொரு கோரலை செய்ய ஒரு மாதம் காத்திருக்க வேண்டும். இது சலிப்பினை ஏற்படுத்துவதோடு வேலை செய்யும் எண்ணத்தையும் கைவிட வைத்துவிடும்.
நாங்கள் எவ்வளவு திறமையானவர்களாக இருந்தாலும் அதனை சரியான முறையில் வெளிப்படுத்தாதவிடத்து எந்த பயனும் இல்லை. அதனால் இங்கு எமக்கு முக்கியமாக இரண்டு விடயங்கள் தெரிந்திருக்க வேண்டும்.
1. எம்மிடம் இருக்க வேண்டியவை
2. கோரல் ஒன்றினை எவ்வாறு செய்வது.
எம்மிடம் இருக்க வேண்டிய அடிப்படையான விடயங்கள்.
1. இணைய இணைப்பு.
என்னட்ட இருக்கிற இணைய இணைப்பு டயல்அப் தான். நீங்கள் சரியாக வேலைகளை தெரிந்தெடுத்தால் அலுவலகத்தில இருக்கிற இணைய இணைப்பும் ஒரு மணத்தியால நேரமும் காணும்.
2. கணினி
உங்களிட்ட சொந்தமா ஒரு கணினி இருக்கிறது நல்லம். அலுவலக கணினியிலயே எல்லாம் செய்யலாம் எண்டா கொஞ்சம் கஸ்டம்.
3. நேரம்
இது இணையத்தில் வேலை செய்ய என்று மட்டுமல்லாமல் எங்கு வேலை செய்வதானாலும் நேரம் என்பது முக்கியமானது. ஒக்டோபர் 2008 சௌந்தரசுகன் இதழில் இரவீந்திரபாரதி எழுதிய எப்படியும்.. சிறுகதையில வாற மாதிரி உங்களுக்கு நேரமிருந்தா அதையும் நேரம் எண்டு கொள்ள முடியாது.
ஆங்கிலத்தில் Quality time என்று சொல்லுவார்கள், அந்த நேரம் எமக்கு தேவை. தினமும் உங்களிடம் இரண்டு மணத்தியாலம் Quality time இருக்குமானால் கூட உங்களால் இணையத்தில் சிறப்பாக வேலை செய்ய முடியும். (நான் தினமும் ஒரு மணத்தியாலமாவது வேலை செய்வது என்று நினைத்திருக்கின்றேன்.)
4. Profile
எமக்கு வேலைதருபவர்கள் எங்களது கோரல்களை பார்த்த பின்னர் எம்மைப்பற்றிய தகவல்களை அறிந்து கொள்ள பொதுவாக விரும்புவார்கள் எனவே Elance அல்லது GetAFreelancer தருகின்ற எமது Profile பக்கத்தை முடிந்தளவு சிறப்பாக பேணுதல் வேண்டும். அனானியாக இருக்கின்ற எவருக்கும் எவரும் வேலை தர விரும்பமாட்டார்கள்.
Profile இல் கவனிக்க வேண்டிய விடயங்கள்.
a. புகைப்படம்.
பொதுவாக நாங்கள் எங்கள் வலைப்பதிவுகளில் புகைப்படங்களை பொதுவில் வைக்க விரும்புவதில்லை. (உதாரணத்திற்கு இளா என்றால் மஞ்சள் நிறத்தில் வீதிக்குறியீடு போன்ற ஒரு உழவு இயந்திரமும், ரவிசங்கர் என்றால் பச்சையாக ஏதோ ஒரு இலையும் தான் ஞாபகத்துக்கு வரும்). ஆனால் இணையத்தளமூடாக வேலை செய்யும் போது இவை சரிப்படா. பொதுவாக எமது புகைப்படம் எம்மை நன்கு அறிந்தவர் போன்ற உணர்வை வேலை தருபவருக்கு ஏற்படுத்தும். இது மிக முக்கியமானது.
b. குறிச்சொற்கள்.
வேலை தருபவர்கள் பொதுவாக சிறந்த வேலையாட்களை தேடிக்கண்டுபிடிக்க விரும்புவார்கள். எனவே அவர்கள் அதற்கான தேடலை செய்யும் போது நாங்கள் வரிசைப்படுத்தப்பட வேண்டுமாயின் எமது குறிச்சொற்கள் எம்மை பிரதிநிதித்துவப்படுத்துவதாக இருக்கவேண்டும்.
c. tagline
இதனை பொதுவாக நம்மவர்கள் நன்கு பயன்படுத்துவதில்லை. tagline இல் சரித்திரம் எழுதுபவர்களும் இருக்கிறார்கள். tagline எமது திறமையை இரண்டு மூன்று சொற்களில் நச்சென்று சொல்லுவதாக இருக்க வேண்டும்.
d. எம்மைப்பற்றிய விபரம்.
Elance போன்ற இணையத்தளங்களுடாக வேலைதருபவர்கள் உங்கள் திறமையைத்தான் எதிர்பார்ப்பார்களே தவர நீங்கள் எங்கு படித்தீர்கள் திருமணமானவரா இல்லையா என்று எதிர்பார்ப்பதில்லை. எனவே அவ்வாறன விடயங்களை பொதுவாக விபரத்தில் இடத்தேவை இல்லை. சிலர் தமது விபரத்தில் தமது சுயவிபரக்கோவையை அப்படியே இடுவதுண்டு. ஆனால் அது நல்ல விளைவுகளை கொண்டு வரமாட்டாது. மதம் சார்ந்த விடயங்களை இணைப்பது பொதவாக நல்லதல்ல. சில நிறுவனங்கள் வேலை தரும்போது இப்படியான விடயங்களை எதிர்பார்த்தால் அவர்களுக்கு மட்டும் அவற்றை கொடுத்தால் போதுமானது.
5. Portfolio
பொதுவாக இணையத்தள வடிவமைப்பவர்கள் அல்லது சின்னங்கள், பதாகைகள், அழைப்பிதழ்கள் வடிவமைப்பவர்கள் தங்கள் Portfolio ஒன்றினை வைத்திருப்பது பயன்தரும். ஏனெனில் பொதுவாக வேலை தருபவர்கள் நீங்கள் செய்த முன்னைய வேலைகளை பார்க்க ஆர்வமாயிருப்பார்கள். Elance போன்ற இணையத்தளங்கள் அங்கத்தவர்களுக்கு இதுபோன்ற வசதிகளை செய்து தந்தாலும், தனியாக portfolio ஒன்றினை வைத்திருப்பது அதிக பயன் தரும். எனைய வேலைகள் செய்பவர்களும் உதாரணமாக முகாமைத்துவம், சட்டம், மொழிபெயர்ப்பு, தள மேலாண்மை செய்பவர்களும் அவர்களுடை கடந்தகால வேலைகளை வெளிப்படுத்தும் வகையில் கட்டாயம் ஒரு Portfolio வைத்திருக்க வேண்டும்.
இதில் முக்கியமான விடயம் என்னவென்றால் portfolio பார்த்தவுடன் புரியக்கூடியதாக சரியாக வகைப்படுத்தி வரிசைப்படுத்தி உங்கள் கடந்த கால வேலைகளை வெளிப்படுத்தவேண்டும். ஒருவர் உங்கள் portfolio இற்கு வந்து ஆராய்ச்சி செய்துதான் அவற்றை அறிய வேண்டும் என்றிருந்தால் நீங்கள் அவ்வாறொன்றை வைத்திருப்பதில் பயனில்லை.
உதாரணத்திற்கு கீழே காட்டியிருக்கின்ற சில portfolio க்களை சென்று பார்த்துக்கொள்ளுங்கள்.
இப்படியான ஒன்றை நீங்களும் இலவசமாக வைத்துக்கொள்ள பல வழிகள் இருக்கின்றன. அதை அடுத்த பதிவில் விரிவாக சொல்லுகின்றேன்
6. துறைசார் மேம்படுத்தப்பட்ட அறிவு.
மேம்படுத்தப்பட்ட அறிவெண்டா பெரிய ஒரு விசயம் இல்லை. நாட்டில என்ன நடக்குது எண்டு தெரிஞ்சிருக்க வேணும். உதாரணத்திற்கு உங்களுக்கு HTML மொழி தெரியும். அதில இணையத்தளங்களை வடிவமைக்கிற வேலைகளை நீங்கள் செய்ய விரும்பினால் உங்களுக்கு HTML தொடர்பா உலகத்தில என்னென்ன நடந்து கொண்டிருக்கு என்கிற செய்தி தெரிந்திருக்க வேண்டும். HTML 5.0 என்ன வசதிகளோட வருது HTML 4.1 இற்கும் HTML 5 இற்கும் என்ன வித்தியாசம் XHTML எண்டா என்ன எனபது போன்றவை.
இதனால என்ன பயன் என்பதை கோரல் ஒன்றை எப்படி செய்யிறது எண்டு பாக்கேக்க சொல்லுறன்.
கோரல் ஒன்றினை எவ்வாறு செய்வது என்பது தொடர்பில் அடுத்த பதிவில் பார்ப்போம். தவறவிடக்கூடாதெண்டால் இங்க சொடுக்கி செய்தியோடையை பதிவு செய்து கொள்ளுங்கள்.
கேள்விகள் இருந்தா பின்னூட்டத்தில கேளுங்க. தயவுசெய்து மின்னஞ்சல் அனுப்ப வேண்டாம்.
வேர்ட்பிரஸ் என்கின்ற பதிவு மென்பொருளை உருவாக்கி மேம்படுத்தி வருகின்ற Automattic நிறுவனம், வேர்ட்பிரஸ் கற்றுக்கொள்ளுவதனை இலகுவாக்குவதன் பொருட்டு Wordpress.tv என்கின்ற இணையத்தளத்தினை உருவாக்கி இருக்கின்றது.
இப்பொழுது இங்கே ஏறத்தாள 150 வீடியோக்கள் உதவிக்குறிப்புகள் மற்றும் வேர்ட்பிரஸ் தொடர்பான நிகழ்ச்சிகள் என இரு பெரும் பிரிவுக்குள் உள்ளடக்கப்பட்டு வெளியிடப்பட்டிருக்கின்றன.
மேலும் தகவல்களுக்கு இங்கே வாருங்கள்.
இந்த பதிவை நீண்டநாட்களாகவே எழுதவேண்டும் எனது நண்பர்கள் பலர் கேட்டுவந்தார்கள். இப்பொழுதுதான் அதற்கான நேரமும் அதற்கான தகுதியும் எனக்கு வந்திருக்கின்றது என நினைப்பதால் இப்பதிவை எழுதுகின்றேன். இதுதொடர்பாக உங்களுக்கு எழும் கேள்விகளை பின்னூட்டத்தில் கேளுங்கள். என்னால் முடிந்தளவு பதிலளிக்க முனைகின்றேன்.
பொதுவாக இணையத்தில் பணம் சம்பாதிப்பதற்கு இரண்டு வழிகள் இருக்கின்றன. ஒன்று வலைப்பதிவெழுதுவது மற்றையது இணையத்தூடு வேலை செய்வது. இரண்டுமே ஆர்வமிருந்தால் இலகுவானதுதான்.
முதலாவதாக வலைப்பதிவெழுதுவதன் மூலம் எவ்வாறு பணம் பெறலாம் என்பதனைப் பார்ப்போம்.
பொதுவாக வலைப்பதிவு மூலம் சம்பாதிப்பதற்கான வழி விளம்பரங்களை வலைப்பதிவுகளில் இடுதல். பொதுவாக இவை உங்கள் பதிவு மிகப்பிரபலமாக இல்லாது விடின் பெருமளவு பணத்தினை உருவாக்கி தரமாட்டா. ஆனாலும் பொழுதுபோக்காக நாங்கள் செய்கின்ற வலைப்பதிவு சிறிதளவு பணத்தினை ஈட்டித்தருமாயின் அது நல்லதுதானே?
இவ்வாறு விளம்பரங்களை வழங்குவதற்கு பல நிறுவனங்கள் இருந்தாலும் பலரும் அறிந்தது. கூகிள் அட்சென்ஸ்.
இங்கு செல்வதன் மூலம் ஒரு கணக்கை உங்களுக்கென்று உருவாக்கி கொண்டு உங்கள் வலைப்பதிவெங்கும் அவர்களது விளம்பரங்களை கீழே காட்டப்பட்டது போல வெளிப்படுத்த இயலும். பொதுவாக விளம்பரங்களின் மேல் சொடுக்கப்படுகின்ற ஒவ்வொரு சொடுக்கிற்கும் உங்களுக்கு பணம் கிடைக்கும்.(இந்த பதிவு பிடிச்சிருந்தா நீங்களும் கீழே இருக்கிற எனது விளம்பரத்தில் சொடுக்கி உதவலாம்)
இதைவிட பல பிரபல நிறுவனங்கள் வித்தியாசமான முறைகளின் மூலம் உங்கள் வலைப்பதிவிற்கு விளம்பரம் தரத்தயாராக உள்ளார்கள். இவர்களில் நான் பயன்படுத்துவது textlinkads நிறுவனத்தை. இவர்கள் உங்கள் வலைப்பதிவில் இடுகின்ற ஒவ்வொரு தொடுப்பிற்கும் மாதாமாதம் இவ்வளவு பணம் என்ற அடிப்படையில் பணம் வழங்குகிறார்கள். எவ்வளவுதரம் சொடுக்கியது எனப்து போன்ற விபரங்களை பற்றி அவர்கள் கவலைப்படுவதில்லை. கீழே சில திரைவெட்டுகளை பாருங்கள்.
இது எனது வலைப்பதிவில் இருக்கும் ஒரு தொடுப்பு சம்பந்தமான விபரம்.
இது ஒரு மாதத்தில் எனது வலைப்பதிவில் இருந்த தொடுப்பகளுக்கு மொத்தமாக அவர்கள் செலுத்திய பணம் பற்றிய விபரம்.
மாத முடிவில் உங்கள் கடனட்டைக்கு அல்லது உங்கள் வீட்டிற்கு காசோலையாக பணத்தை அனுப்பிவிடுவார்கள்.
கீழே இருக்கின்ற தொடுப்பில் சொடுக்கி நீங்களும் ஒரு கணக்கினை ஆரம்பித்து அவர்களது விளம்பரங்களை வெளியிட ஆரம்பியுங்கள்.
மேலும் இவ்வாறான சில இணையத்தளங்கள் பற்றிய விபரங்களை மேலும் ஒரு பதிவில் இடுகின்றேன். இப்பொழுது இரண்டாவது முறைக்கு போவோம்.
இணையத்தினூடாக வேலை செய்தல்.
இதற்கு நீங்கள் வலைப்பதிவு ஏதும் வைத்திருக்க தேவையில்லை. உங்களின் திறமைக்கேற்றவாறு பணம் சம்பாதிக்க முடியும். திறமையிருக்கின்ற அல்லது விருப்பம் இருக்கின்ற பலருக்கு இருக்கின்ற பிரச்சனையே இதற்கான வழிமுறைகள் தெரியாமைதான். கீழே அவற்றிற்கான சில வழிமுறைகளை பார்ப்போம்.
இதற்கு பொதுவாக இரண்டு வழிமுறைகள் இருக்கின்றன. ஒன்று இதற்கான வழிகளை செய்துதருகின்ற இணையத்தளங்கள் மற்றையது இணையத்தளமூடாக வேலைக்கு சேர்க்கும் நிறுவனங்கள் அல்லது தனிநபர்கள்.
இதில் முன்னைய வழிமுறையைப்பற்றி இப்போது பார்ப்போம்.
இணையத்தூடாக வேலை செய்வதற்கு ஏற்பாடு செய்து தரும் இணையத்தளங்கள் பல உள்ளன. அவற்றில் என்னைப்பொறுத்தவரை இலகுவானது என கருதும் இணையத்தளங்கள் இரண்டு கீழே.
Elance
மேலே சொடுக்கி இந்த இணையத்தளத்தில் நீங்கள் ஒரு கணக்கினை ஆரம்பித்து கொண்டால் உங்கள் திறமைக்கேற்ப வேலைகளை பெற்றுக்கொள்ள முடியும். இங்கு இருக்கின்ற முக்கியமான பிரச்சனை உங்களை நீங்கள் சந்தைப்படுத்துவதுதான். அங்கே உங்களுக்கேற்ற வேலை ஒன்றினை நீங்கள் கண்டுகொண்டால் உடனே நீங்கள் ஏன் அந்த வேலைக்கு தகுதியானவர் என்றும் உங்களால் எவ்வாறு அந்த வேலையை முடித்துக்கொடுக்க முடியும் என்றும் ஒரு கோரல் (Bid) ஒன்றினை செய்ய வேண்டும். நீங்கள் வேலைக்கு தேர்ந்தெடுக்கப்பட்டால் உங்களுக்கு நீங்கள் குறிப்பிட்ட தொகை கிடைக்கும். இங்க ஆகக்குறைந்த தொகை 50 அமெரிக்க டொலர்கள் என்பதால் சிறிய வேலைக்கே நீங்கள் நல்ல பணத்தினை சம்பாதித்து கொள்ள முடியும்.
வரிசைப்படுத்தப்பட்டிருக்கும் வேலை வகைகள்.
இந்த இணையத்தளமும் மேலே குறிப்பிட்டதைப்போன்றதுதான். இங்கு ஆகக்குறைந்த தொகை 30 அமெரிக்க டொலர்கள்.
நாங்கள் இப்பதான் வலைப்பதிவெண்டாலே என்னெண்டு பாத்திருக்கிறம். உதில கேட்டிருக்கிற விசயம் தெரியுமெண்டா நான் ஏன் இப்படி இருக்கிறன். இதைவிட சுகமான வேலை ஏதும் இருந்தா சொல்லு எண்டுற ஆக்களுக்குதான் கீழ இருக்கிற இணைத்தளம்.
இந்த இணையத்தளம் அமேசன் நிறுவனத்தின் ஒரு பகுதி. இங்கு நீங்கள் மிகச்சிறயளவு பணத்திற்கு சிறிய சிறிய வேலைகளை செய்ய முடியும். வீட்டில ஒரு பொழுதும் போகேல்ல நல்ல இணைய இணைப்பு இருக்கு எண்டு சொல்லுறாக்களுக்கு இது நல்ல இடம். இந்த படம் நல்லா இருக்கு. இது நல்லா இல்லை எண்டு சொன்னாலே காசு கிடைக்கும்.
போய் ஒரு இரண்டு வேலை செய்து பாருங்க.
இணையத்தளமூடாக வேலைக்கு சேர்க்கும் நிறுவனங்கள் அல்லது தனிநபர்கள்
இரண்டாவது முறையில வேலைகளை தேடிக்கண்டுபிடிக்கிறதே கஸ்டமான வேலை. என்னுடைய பங்கிற்கு கீழ ஒரு தொடுப்பு தந்திருக்கு போய் பாருங்க. அவ்வளவுதான்.
அடுத்த பதிவில ஒரு சிறந்த கோரல் (Bid) ஒன்றை எப்பிடி செய்யிறது, எப்பிடி இலகுவா வேலைகள் எடுக்கிறதென்பதை பற்றி விரிவா பாப்பம். தவறவிடக்கூடாதெண்டால் இங்க சொடுக்கி செய்தியோடையை பதிவு செய்து கொள்ளுங்கள்.
கேள்விகள் இருந்தா பின்னூட்டத்தில கேளுங்க. தயவுசெய்து மின்னஞ்சல் அனுப்ப வேண்டாம்.
நீங்கள் சவாரி இணைய உலாவியினை பயன்படுத்துபவராயின், அல்லது பயன்படுத்த விரும்புவபராயின், உங்களுக்குத்தான் இந்த பதிவு. உலகின் மிகவேகமான இணைய உலாவி என பெயர் பெற்றிருந்தாலும் சவாரி இணைய உலாவி எமக்கேற்றாற்போல அதனை மாற்றிக்கொள்ளவோ சில வசதிகளை சேர்த்துக்கொள்ளவோ அனுமதி அளிப்பதில்லை. உதாரணத்திற்கு இவ்விணைய உலாவி கூகிளின் தேடுபொறியை பிரதான தேடுபொறியாக கொண்டுள்ளது. நாம் இதனை வேறு தேடுபொறிக்கு மாற்றிக்கொள்ள இது அனுமதி அளிப்பதில்லை.
இதுபோன்ற பல பிரச்சனைகளுக்கு தீர்வாக வந்துள்ளதுதான் MacHangOut இன் Glims. இதனை நாங்கள் நிறுவிக்கொள்ளுவதன் மூலம் கீழே தரப்பட்டுள்ளது போன்ற பல வசதிகளை சவாரி இணையஉலாவியுடன் இணைத்துக்கொள்ள முடியும்.
Current features list
Adds thumbnails to Google.com search results
Adds thumbnails to Yahoo.com search results
Adds search engines to the default Google search tab
Adds full-screen browsing capability
Adds Favicons to tab labels
Adds keyword search from address bar
Undo “Close Tab” (cmd-z)
Re-opens last session when Safari starts
Auto-Closes download window
Adds new tab position option (right/left/leftmost/rightmost)
Adds tab closing using middle mouse button
Focus last selected tab
Always open links in a new tab
Type-ahead support (auto cmd-f)
Sets the focus on the search field when opening a new window
Adds Amazon’s information banner on Google.com search results
Adds Amazon’s information banner on Yahoo.com search results
Adds a “Max Window Size” menu item to resize the Safari window
Forms autocomplete always on
Autocomplete search phrase
Adds bookmark separator
Adds bookmark actions
Dated download folders
Localized to Japanese, French, Greek, German, Spanish, and Italian
Tested with WebKit lastest build ( www.webkit.org )
மேலதிக தகவல்களுக்கு இங்கு வாருங்கள்.
